Денеска на социјалните мрежи СДСМ даде фантасична понуда според која Бихаќка нуди 30 илјади евра за бизниси на млади.
Според последниот официјален попис од 2021 година, во Македонија има 326.733 млади луѓе на возраст од 15 до 29 години.
Реално сите млади нема да се занимаваат со бизнис но доколку сите тие решат да почнат бизнис и побараат помош за да почнат со некој економски проект тоа значи дека СДСМ ќе треба да обезбеди фантастични 9,6 милијарди евра само за оваа ставка.
„Твоја држава, твоја шанса“ – за младите: 30.000 евра за бизнис, 2.000 евра за матуранти, 0% данок за прв стан”, објави СДСМ денеска во понудата која треба да ги убеди младите дека СДСМ има добри проекти.
Доколку СДСМ само на една десетина од младите во Македонија им ја даде оваа помош тогаш ќе бидат потребни речиси 1 милијарда евра или еден и пол годишен буџет на државата.
Ако бројот на млади кои сакаат помош за бизнис е само 5 проценти колку што реално младите се занимаваат со претприемаштво тоа значи дека СДСМ ќе треба да обезбеди 500 милиони евра само за оваа ставка.
Во соопштението на СДСМ не кажуваат од каде ќе ги најдат овие огромни пари:
„Твоја држава, твоја шанса“ – за младите: 30.000 евра за бизнис, 2.000 евра за матуранти, 0% данок за прв стан”, објави СДСМ денеска во понудата која треба да ги убеди младите дека СДСМ има добри проекти.
Вистина е дека младите сакаат да ја напуштат Македонија.
Правично е да добијат шанса во својата земја, да останат, да работат, со добро платена работа, сопствен дом и систем.
СДСМ во својата Платформа “Твоја држава, твоја шанса“ има мерки кои создаваат шанса за младите да живеат и градат кариера во својата татковина:
-2.000 евра ваучер за секој матурант за обуки во програмирање, вештачка интелигенција и зелени технологии – за да имаат пристап без финансиски трошок до најдобро платените работни места.
-Целосно бесплатни студии на државните универзитети – знаењето не е привилегија, туку право.
– Затоа гарантираме работа, пракса или обука во рок од четири месеци за секој млад човек од 18 до 25 години. Праведно е младите да бидат поддржани веднаш по завршување на образованието.
-30.000 евра грант за отворање сопствен бизнис за младите кои ќе се вратат дома – за да градат кариера тука и да придонесуваат во домашната економија.
Целосно ќе го укинеме данокот на промет за млади до 35 години при купување прв стан. Првиот дом не смее да биде луксуз.
Евтини станбени кредити со фиксна камата од само 1% во првите 10 години и 5.000 достапни станови за изнајмување за младите семејства и младите кои сакаат самостоен живот.
Така се гради иднина за младите.
Праведно е Македонија да стане држава во која младите остануваат, напредуваат и веруваат.
Твоја држава, Твоја шанса”, се вели во соопштението на СДСМ.