Јас кажувам дека овие сега нема да избегаат, нагласи претседателот на СДСМ, д-р Венко Филипче во интервју во емисијата „Трилинг“.
Филипче не се осврнува на криминалот на СДСМ конкретно но нагласува дека секој што сторил злоупотреби мора да сноси одговорност, и додава дека сегашнот систем на власта не обезбедува правда поради силното политичко влијание.
Тој вели дека не смее да има селективна правда и дека граѓаните не можат да очекуваат правичен систем во услови кога институциите се под контрола на власта.
„Никола Груевски, можеби избега, ама јас ви кажувам дека овие сега нема да избегаат. Секој треба да понесе одговорност за се што правел. Ама не може овој систем, како што вака го контролира премиерот, било кој граѓанин да очекува, правда и неселективност“, рече Филипче.
Тој додаде дека политиките што сега ги води премиерот Мицкоски, се идентични на оние од времето на Никола Груевски.