Натаму, порталот пишува: Изборите во Гостивар не се одржаа, поради некаква „тврдоглавост на владата“, туку поради длабокото незадоволство на граѓаните од неговото осумгодишно владење, кое остави зад себе општина заглавена во неверојатни долгови од над 20 милиони евра, остави разурнат Гостивар со уништени патишта, со ѓубре на секој агол и градски хаос, каков што никогаш порано не е виден.
Арбен Таравари ја претвори општина Гостивар во рекордер по долгови во цела Македонија. Кога дојде моментот да се соочи со граѓаните, тој дезертираше, оставајќи ја општината во рацете на Валбон Лимани, човекот, што го назначи како „штит“, за да ги избрише трагите од сопствените злоупотреби и својата неспособност. Но, граѓаните на Гостивар не дозволија да бидат измамени. Тие зборуваа во тишина, не излегоа на гласачките места, давајќи му на Таравари најасен одговор: повеќе не сакаат да бидат злоупотребувани, ниту манипулирани.
Уште повеќе, мандатот на вршителот на должноста претседател на општина Гостивар заврши со окончувањето на мандатот на советот на општината. Оттука, секое дејство на Лимани денес е противзаконско. Може да има тешки кривични последици за секој потпис, за секоја одлука и секој договор потпишани во овој период.“ – заклучува „Фол“ во својот редакциски коментар.