Поврзување на иновациите, образованието и бизнис секторот, преку современи дигитални решенија и напредни технологии. Македонија и
официјално го доби првиот иновативен технолошки парк N99, со амбиција да го поттикне развојот на таленти и меѓународната соработка. Посебно внимание привлекува хуманоидниот робот, претставен како симбол на иднината на образованието и технолошкиот развој.
Од Владата велат дека се отворени за соработка, зашто токму иновациите го отвораат патот за развој на земјата. Министерката за образование Весна Јаневска од Американскиот универзитет на Европа – ФОН, изрази благодарност за се што прават факултетите, заедно со професорите и студентите.
Еко системот Н99 соработува со преку 40 земји од светот, идејата е под еден кров да се спои образованието, иновацијата, технологијата и бизнисот. Собрани се најдобрите кадри од Македонија за да може да се понуди производство и на глобално ниво и да бидеме конкурентни во светот.
Македонија мора да стане место каде ќе се создаваат современи технолошки решенија со глобален потенцијал, велат од менаџментот
на универзитетот. Ваквите проекти се стремат кон создавање простор каде младите таленти, стартап компаниите и експертите ќе можат заеднички да работат на идеи поврзани со вештачка интелигенција, deep-tech индустријата и дигиталната трансформација, со цел домашните
иновации да добијат пристап до странски пазари.