Министерот за транспорт и врски Александар Николоски објави видео на социјалните мрежи со кое информира дека сите државни патишта низ Македонија се исчистени од снег и целосно проодни.
Во објавата, Николоски упати благодарност до вработените во „Македонија пат“ за, како што наведе, силниот и посветен ангажман во услови на снежни врнежи. Тој истакна дека екипите се постојано на терен и активно работат на одржување на безбедноста и проодноста на патната мрежа низ целата држава.
- „Снегот дава дополнителна убавина на нашата Македонија, но приоритет останува безбедниот сообраќај и непреченото движење на граѓаните“, порача министерот во објавата.
Од надлежните институции апелираат возачите и понатаму да возат внимателно, да ја почитуваат сообраќајната сигнализација и да ја прилагодат брзината на зимските услови на патиштата.
ВИДЕОТО МОЖЕ ДА ГО ПОГЛЕДНЕТЕ ТУКА.