Лидерот на Партијата на пензионерите Илија Николовски е јавно обвинет за ширење лага дека има членство и партиски структури.
Обвинувањето го упатува неговиот поранешен партиски другар, екс новинарот Веле Митаноски кој формирал општинска структура во Охрид која сега не постои.
Митановски го нарекува Николовски кој бил воено лице како ,,Генерал Коктели”.
,,Поголем трчи-лажи од овој тип мајка не раѓа. Ова од лично искуство. Атер на генерал Коктели му направив општинска организација во Охрид, која не постои 5 години, а овој лаже дека ја има. Ме пиша во некаков Централен одбор. Побарав да ме испише. Бев на еден состанок во Скопје кој го водеше некоја будалетинка од Куманово, во својство на некаков ген. секретар. Им кажав само една анегдота зз водачот Мао, кој ја преплавувал Јанг Це, а водата ” на десет метри зад него била совршено слатка!”. Повеќе нит очи им видов, нит очи ми видоа. Родени лажговци. Ако Мицкоски, на овој му поверува дека има членство и организација, нека скока во Вардар, ќе го чекаме Велес под мостот”, пишува Митаноски кој порано беше дел од НСДП на Тито Петковски.
Предходно партијата на пензионерите објави дека ќе ја напушти досегашната коалиција со СДСМ и на претстојните локални избори ќе настапи како дел од коалицијата, предводена од ВМРО-ДПМНЕ.
Како што соопшти претседателот на партијата, Илија Николовски, одлуката е донесена на барање на членството – околу 90% од нив се изјасниле дека сакаат соработка со актуелната власт.