По тестирањето Македон го добил и признанието „Големи почести/ СЕТ“, за извонредните резултати по математика и зборовни способности. Ова е највисоко признание за исклучително високи резултати во рамките на тестирањето. „Студии за исклучителен талент“ – СЕТ (“Study of Exceptional Talent“ – SET) е програма и признание на „Џонс Хопкинс“ за ученици, кои постигнуваат резултати значително над очекуваното за нивната возраст.
Успесите на Македон се надополнуваат и со резултатот, на кој на 11-годишна возраст освоил 1.440 поени – 740 по математика и 700 по читање и пишување. Зад бројките и признанијата, како што истакнуваат неговите родители, стои огромната љубов кон знаењето. Македон досега има освоено повеќе од 20 златни медали на меѓународни математички натпревари.
Неговиот успех е повод за особена гордост за цела Македонија, а не само за неговото семејство, кое го поддржува да продолжи да верува во себе, да учи, да сонува и да напредува многу над неговата возраст.