Кога зборувам за генералка за 72 часа, мислам на вистинска акција која ќе го мобилизира целото Скопје. Тоа ќе биде симболичен и практичен старт.
Првите три дена пое преземањето на функцијата ќе се излезе масовно на терен: општините, адинистрацијата, комуналните служби, институциите, ќе упатиме покана и до граѓанскиот сектор, како и до сите наши граѓани кои сакаат да го видат Скопје чисто. Сите ќе бидат дел од ова чистење, вели кандидатот за градоначалник на Скопје Орце Ѓорѓиевски в интервју за „Плусинфо“.
„Сакам да ја вратиме свеста кај луѓето дека јавниот простор е наш заеднички двор и дека мора да го чуваме и да се грижиме за него како што се грижиме за сопствениот дом.
Но „генералката” е само почеток.
Веднаш потоа продолжуваме со четиригодишната програма која Скопје треба да го доведе до статусот „Град без депонии“. Мојата порака е јасна: во првите 72 часа ќе расчистиме со ѓубрето што се собирало со години, a потоа никогаш повеќе да не дозволиме Скопје да се претвори во депонија.
„ Кога зборуваме за проектот „Град без депонии“, зборуваме за јасна стратегија и системска акција. Современ град без депонии е возможен ако отпадот се третира како ресурс, а не како проблем. Секој отпадок мора да има своја дестинација: селектиран, повторно искористен, рециклиран или претворен во енергија“, вели Ѓорѓиевски.
Кандидатот за иден „градски татко“, во интервјуто вели дека е запознаен со катастрофалната состојба во која се наоѓа јавниот превоз.
„Секојдневно разговарам со граѓани кои се жалат на расипани автобуси, нефункционален возен ред и целосно игнорирање на нивните проблеми од актуелното раководство на ЈСП
(…).
Како што веќе имам најавено, првиот чекор кој ќе го направам е темелна ревизија на работењето на ЈСП од страна на експерти. Ќе се провери организациската, финансиската и оперативната состојба на претпријатието, а врз основа на наодите ќе следуваат реформи: кратење на непродуктивните трошоци и насочување на средствата кон она што е навистина важно за граѓаните, обнова на возниот парк и подобрување на квалитетот на услугата.
Во првите 100 дена ќе започне подготовка на нов возен ред, реорганизација на линиите и воспоставување систем за следење на ефикасноста. Ова е подготвителна фаза за интегрираниот систем на јавен превоз, за кој покрај обновата на возниот парк, со поддршка од Владата и Министерството за транспорт и врски ќе анализираме за воведување на градски воз, потоа ќе направиме детална проверка за можноста на БРТ системот и ќе го удвоиме бројот на велосипедски патеки. Сето тоа ќе биде интегрирано во еден дигитализиран систем кој ќе овозможи јавниот превоз да стане побрз, поефикасен и поеколошки“ вели Ѓорѓиевски, кој во моментот е градоначалник на Општината Кисела Вода, во интервјуто за „Плусинфо“
ПОВЕЌЕ на следниот ЛИНК