Македонија

Ѓурѓај за 70. број на весникот „Илинден“: Ќе продолжиме со темите за подобрување на животот на Македонците надвор од Македонија

Излезе од печат јубилејниот 70-ти број на весникот „Илинден“ кој наидува на голем интерес кај македонската читателска публика во Албанија, во Македонија, но и меѓу македонското иселеништво во светот.

1 минута за читање

„Се надевам дека ќе продолжиме со несмалена сила да информираме со истата сериозност и пристап во објавувањето на темите, кои се од интерес за македонското национално малцинство во Република Албанија, но и за претставување на активностите на македонската дипломатија во правец на подобрување на животот на македонското население надвор од границите на својата матична држава Република Македонија.“ – изјави Никола Ѓурѓај, главниот и одговорен уредник на весникот  „Илинден“.

Во овој 70-ти број, покрај другите, објавени се и следниве написи: 
Македонското друштво “Илинден“-Тирана ќе биде домаќин на следниот семинар на работната група на словенските малцинства во Европа при Федералната унија на европските националности
Генералното собрание на Федералната унија на европските националности (ФУЕН) на 69-от Конгрес едногласно усвои Резолуција, поднесена од Македонското друштво „Илинден“- Тирана
Македонското друштво “Илинден”-Тирана доби верски календари од Македонската православна црква – Охридска Архиепископија за Македонците во Албанија
Македонската алијанса за европска интеграција: Нема да замолчиме пред бугарските манипулации
Македонското друштво “Илинден“-Тирана ги осудува обидите на Софија со злоупотреба на здравјето на жителите во областа Преспа
Ѓурѓај: Извештајот на ФУЕН e десетгодишен труд на македонско друштво “Илинден“-Тирана

Македонскиот весник “Илинден” е член на платформата Алијанса за етички медиуми (АЕМ), во која членуваат 29 печатени и аудиовизуелни медиуми во Република Албанија.

Поврзани теми:

Република Македонија|Македонски весник „Илинден“ во Албанија|Македонци во Албанија|бугарски манипулации|актуелно|избор

Повеќе на оваа тема:

Најнови вести од: Македонија

Весникот „Илинден“, гласникот на Македонците во Албанија – петнаесет години ѕвезда Деница за македонскиот збор

„Петнаесет години истрајност и посветеност – весникот „Илинден“ е жив хроничар на македонската заедница во Албанија, чувар на јазикот и културата и мост што ги поврзува генерациите и дијаспората низ светот. На 1 март 2011 година Македонското друштво ‘Илинден’ – Тирана го издаде првиот број на својот весник ‘Илинден’. Тој прв број, објавен како двоен (март/април), беше симболичен почеток на една медиумска приказна, која денес, петнаесет години подоцна, има 71 издание. Во текот на овие години, весникот не само што обезбеди континуитет и посветеност туку и изгради мостови меѓу заедниците – од Македонците во Албанија, преку читателите во татковината Македонија, па сè до дијаспората низ светот. Секое издание претставува сведоштво за една борба за видливост, за зачувување на јазикот и културата и за афирмација на македонскиот идентитет во услови на постојани предизвици.“ – пишува во статијата, која ја објави денес дневниот весник „Нова Македонија“.

Потпишан договор за изградба на паркинзи во Клиничкиот комплекс – Во првата фаза до втората половина на 2027 најмалку 500 паркинг-места

Министерството за здравство (МЗ) и Град Скопје го потпишаа Договорот за изградба на паркинзи во рамки на Клиничкиот центар „Мајка Тереза“. Договорот е на 15 години, со 10 отсто закупнина од вкупно остварениот промет. Во првата фаза е предвидена изградба на два современи монтажни паркинга, со најмалку 500 паркинг места, кои се очекува да бидат ставени во функција до втората половина на наредната година. Паркинзите ќе бидат, пред се, наменети за пациентите и за вработените во Клиничкиот центар. Планирано е едниот паркинг да биде кај Клиниката за гинекологија, а вториот кај црквата во Клинички. Како што најавија министерот за здравство Азир Алиу и градоначалникот на Град Скопје Орце Ѓорѓиевски пред потпишувањето на Договорот, ако има потреба, ќе биде изграден и трет монтажен паркинг. Ако се утврди дека капацитетите овозможуваат да се паркираат и приватни лица, ќе се овозможи и тоа.
Сите вести од Македонија

Најнови вести

To top