„Скопје се сака со дела, а не со празни зборови. Нека е аирлија булевар ‘Борис Трајковски’!“.
Со овие зборови во својата објава на Фејсбук градоначалникот на Скопје, Орце Ѓорѓиевски, го означи почетокот на изградбата на долго очекуваната сообраќајница во главниот град.
Проектот опфаќа изградба на современ булевар во должина од 850 метри, со четири коловозни ленти, како и со пешачка и велосипедска патека, на потегот од трафостаницата во Пинтија до кружниот тек во Драчево.
Со булеварот „Борис Трајковски“ трајно ќе се реши долгогодишниот сообраќаен проблем со кој секојдневно се соочуваат над 100.000 скопјани од овој дел од градот.
Рокот за изградба е до крајот на календарската година.