Македонија

Град Скопје блокираше околу 15.000 сметки за неплатен данок на имот

На денешната прес-конференција градоначалникот на Град Скопје, Орце Ѓорѓиевски изјави дека се блокирани околу 15.000 сметки на физички и правни лица за неплатен данок на имот за 2021 година.

1 минута за читање

„Градот Скопје презеде конкретни мерки и блокираше околу 15.000 сметки на физички и правни лица за неплатен данок на имот за 2021 година во вкупен износ од 1,3 милиони евра. Апелирам до сите граѓани и компании во наредните 15 дена да ги подмират своите обврски по основ данок на имот за периодот 2022-2025 година. Станува збор за 95.562 физички лица и 2.335 правни субјекти, кои вкупно му должат на градот близу 20 милиони евра по овој основ. Средства коишто ни се од клучно значење за инфраструктурата, јавните услуги и подобрување на квалитетот на живот во нашиот град. Ред мора да има, почитувани. А секој денар наплатен во буџетот значи повеќе проекти и подобар град за сите нас“, изјави Ѓорѓиевски.

Поврзани теми:

актуелно|Град Скопје|даноци|градоначалник на Скопје Орце Ѓорѓиевски|присилна наплата

Повеќе на оваа тема:

Најнови вести од: Македонија

Скопје ќе биде модерен, чист, функционален и достоинствен град, рече градоначалникот

Скопскиот градоначалник, Орце Ѓорѓиевски, најави дека градот полека, но сигурно излегува од колапсот, хаосот и долговите создавани, како што рече, со години, со неодговорно владеење. Тој потенцираше дека тоа не е лесна задача, со тоа што му бил оставен Градот на работ од банкрот.

Албанци-студенти по право бараат да полагаат правосуден испит на албански јазик, во спротивно протести

Студентите, Албанци по право се разочарани од одговорот на Министерството за правда, кое не дозволува правосудскиот испит да се одржи и на албански јазик, туку само на македонски. Мевлан Адеми од студентската иницијатива најави дека можни протести, доколку одлуката не биде сменета.

Мицкоски: Фокусирани сме на спроведување на реформската агенда и воведување ред во државата

Ќе имаме можност да почнеме еден циклус средби, односно брифинзи со претставници на земјите членки на Европската Унија, кои се резидентни во нашата земја, и ценам дека на овој начин можеме поблиску да ги доближиме активностите што како Влада ги правиме, а се поврзани со реформската агенда, истакна премиерот Христијан Мицкоски на денешниот брифинг за реформската агенда со амбасадорите на земјите членки на Европската Унија.

ВМРО ДПМНЕ: Извештајот на ДЗР за СОЗР е во време на владата на СДС, Мирчевски и Филипче се потврдени криминалци!

„Пеце Мирчевски ексдиректор на СОЗР направил низа злоупотреби во СОЗР за време на владеењето на СДС. Тој е синоним за начинот на владеење на функционерите од СДС: криминал, аздисаност и личен профит. Секојдневно на површина излегуваат докази за криминалното владеење на СДС, Филипче и нивните партиски функционери.“ – реагира ВМРО ДПМНЕ.

Расчистени девет сторени кривични дела „измама за лажни сообраќајни незгоди“ – П.С. ги оштетил жртвите за 58 илјади евра

На ден 04.02.2026 од страна на полициски службеници од Одделението за криминалистичка полиција при СВР Штип, во координација со Одделот за криминалистичка полиција преземени се оперативно тактички мерки за расчистување на претходно сторени кривични дела Измама во врска со лажни сообраќајни незгоди, при што лишен од слобода е П.С.(38) од Охрид.

Касами: Во Софија сега нема со кого да се разговара за уставните измени и продолжување на евроинтегративниот процес

„Со оглед дека во Бугарија се предвидени нови предвремени парламентарни избори и функционирање на техничка извршна власт, таму сега нема со кого да се разговара на тема уставни измени и продолжување на евроинтегративниот процес.“ – изјави градоначалникот на Тетово и претседател на Беса Билал Касами на средбата со новинарите денес во Тетово. 
Сите вести од Македонија

Најнови вести

To top