Македонија

Хелсиншкиот Комитет бара МВР да ги гони ,,Балистите” за национализам

МВР итно да постапи во согласност со најавените мерки

Хелсиншкиот комитет за човекови права на Македонија го осудува националистичкото скандирање на натпреварот меѓу Шкендија и Карабах.

Хелсиншкиот комитет апелира до Министерството за внатрешни работи и надлежните институции итно да постапат во согласност со најавените мерки за санкционирање на ваквите испади

 

Хелсиншкиот комитет за човекови права кој го води извршната директорка Уранија Пировска бара МВР да ги гони членовите на навивачката група на Шкендија Балисти за националистичките извици на меч на Градскиот стадион во кои се бараше Голема Албанија.

 

,,Хелсиншкиот комитет за човекови права изразува сериозна загриженост и го осудува националистичкото и политизирано скандирање за време на фудбалскиот натпревар меѓу ФК Шкендија и Карабах, кој се одигра на 5 август во Националната арена „Тодор Проески“ во Скопје”, соопштија денеска оттаму.

 

„И покрај апелите од јавноста и институциите за фер и спортско навивање, од трибините се слушнаа повици за „Голема Албанија“, „Чамерија“ и „Илирида“ пораки кои се далеку од манифестирање на спортски дух и придонесуваат за поттикнување меѓуетнички поделби, ја нарушуваат меѓуетничката кохезија, а имаат потенцијал да предизвика и злосторства од омраза. Дополнително загрижувачки е фактот што ваквите извици не доаѓале само од навивачката група „Балисти“, туку биле извикувани од дел од публиката и тоа во присуство на високи државни функционери“, се вели во реакцијата на Хелсиншки.

 

На натпреварот присуствувале, како што се наведува, претседателот на Собранието, Африм Гаши, вицепремиерот Изет Меџити министерот за економија, Валон Дурмиши, како и партиските лидери Али Ахмети и Арбен Таравари и повторно ниту еден од овие високи функционери, за време на натпреварот не реагирал по повод навредувачките скандирања.

 

„Посебно дискутабилна е изјавата на претседателот на Собранието, кој од една страна вели дека не ги слушнал повиците додека бил присутен на натпреварот, а од друга страна јавно им честитал на навивачите нарекувајќи ги „достоинствен пример за националните вредности“. Овие контрадикторни ставови испраќаат опасна порака за толеранција на говорот на омраза и политичко навивање на спортски терени. Осудата на говорот на ораза од страна на политичарите е еден од клучните фактори против ширењето на оваа појава бидејќи говорот на омраза произведува уште повеќе говор на омраза, а има потенцијал да предизвика и злосторства од омраза“, се додава во реакцијата.

 

Хелсиншкиот комитет апелира до Министерството за внатрешни работи и надлежните институции итно да постапат во согласност со најавените мерки за санкционирање на ваквите испади.

 

„Селективната примена на законите, во зависност од етничката или политичката припадност на сторителите е неприфатлива и дополнително ја нарушува довербата на граѓаните во институциите. Спортските натпревари мора да бидат место на взаемно почитување, фер игра и градење на соживот. За говорот на омраза и националистичките пораки нема место ниту на трибините, ниту во јавниот дискурс“, наведено е во соопштението од Хелсиншки.

 

Предходно ХКЧП реагираше за националистикини изливи на навивачката група Кумани на кошаркарскиот меч Македонија со Романија во Куманово.

Најнови вести од: Македонија

Претседателот на Владата на Македонија Мицкоски денес во РЕК „Битола“ на одбележување на 28 август, Денот на рударите

Традиционално ќе бидат доделени благодарници на вработени во РЕК „Битола“ и РЕК „Осломеј“, кои покажале исклучителна посветеност, одговорност и квалитет при извршувањето на работните задачи.

Денес низ цела Македонија се прославува Успението на Пресвета Богородица – Голема Богородица, празникот на спасението и вечниот живот

Денешниов празник на Пресвета Богородица Христова, вознесена жива на небото, испраќа порака до луѓето дека смртта е, всушност, чин на животот, оти смрт не постои, туку само вечен живот.

„ЕУ, се колнеме дека нема да скршнеме од твојот пат!“ треба да се смени со „Нема да скршнеме од македонскиот пат!“

Зошто ЕУ не размислува да најде начин да ги заобиколи заканите на Бугарија со ново вето кон Македонија за почеток на преговорите за членство, како што се подготвува да направи за ветото на Унгарија кон Украина? ЕУ не може, или не сака да го стори ова и во случајот на Македонија, претпочитајќи ги само интересите на Софија?

Најнови вести

To top