Лидерот на партијата Алтернатива од коалицијата Вреди ја предизвика ДУИ: „Ќе се повлечеме како коалиција од изборната трка, ако покажете која година од периодот додека бевте вие на власт е поуспешна од оваа година, откако сме ние на власт!“ Ова го објави информативниот портал на албански јазик Алфакс.
Порталот пишува: Лидерот на Алтернатива Зеќирија Ибрахими на митингот во Студеничани изјави дека противниците никогаш нема да ги стигнат Вреди во оваа кампања. „Постојано ги предизвикуваме: ајде да се вратиме на прашањето на локалната власт. Ајде да се вратиме на точката: што направија тие во општините населени со Албанци, колку пари донеле во тие општини, какви проекти реализирале во нив?
Ибрахими рече дека Владата и Вреди во неа во овие 15 изминати месеци, откако се на власт, издвоиле повеќе од 80 милиони евра во општините, населени со Албанци.
„Изберете која година сакате од вашиот мандат, додека сте биле навласт, и ајде да ја споредиме со оваа година и пол од мандатот на Вреди, откако е на власт, да споредиме било според бројот на проекти, што се реализирани, било според износот на пари, што се издвоени!“ – посочи Ибрахими, објави „Алфакс“.