Соединетите Американски Држави „преку таен канал“ ја убедуваат Бугарија да попушти за Македонија, пишува авторитетниот економски и финансиски дневен весник во Италија, „Ил Соле 24 Оре“ (Il Sole 24 Ore).
„Според регионални дипломатски извори, Соединетите Американски Држави на Доналд Трамп веќе отвориле доверлив канал за комуникација со Софија за да ја убедат Бугарија да го намали притисокот врз Скопјe. Се вели дека Вашингтон се потпрел на значаен преседан: во 2018-2019 година успеал да ја убеди Бугарија да не го блокира пристапот на Северна Македонија во НАТО, и покрај загриженоста за националниот идентитет. Денес се вели дека целта е слична: имено, да се спречи бугарско-македонскиот спор да стане нова точка на ранливост на Балканот. Многу е веројатно дека САД чекаат време до најсоодветниот политички момент, најверојатно бугарските претседателски избори оваа есен, што би можело да го преобликува внатрешниот баланс на моќ и да обезбеди дипломатски прозорец за договор“, се вели во написот.
Италијанскииот медиум додава дека, поради ситуацијата, Италија е во незгодна позиција бидејќи ја поддржува европската интеграција на Западен Балкан, а со тоа и на Македонија.