Заменик-министерот за транспорт, Калтрина Зеколи, објави во емисијата Click Plus на TV21 дека се издвоени 2 милиони евра за патот Тетово-Призрен.
Зеколи нагласи дека овој пат е од големо значење од економска перспектива, но и од туристичка гледна точка.
„Патот Тетово-Призрен е многу важен од економска перспектива. Одржавме многу состаноци, Косово е понапред, на почетокот на мојот мандат наидовме на меморандум за соработка меѓу двете влади, но не се помести ниту еден чекор во рамките на меморандумот. Успеавме да ја поминеме фазата на проектна задача.
За овој проект, во буџетот на Јавното претпријатие „Државни патишта“ се издвоени 2 милиони евра за отворање на тендерот за главниот проект“, изјави Калтрина Зеколи – заменик-министер за транспорт.
Зеколи спомена и друг инфраструктурен проект, Коридор 8.
Таа рече дека Коридорот 8 треба да биде завршен во 2029 година.
Меѓу другото, Зеколи рече дека проектот надминува 1 милијарда евра, додавајќи дека 600 милиони евра се искористени во делницата Кичево-Охрид.