Лишени од слобода возачи од Прилеп и Кавадарци поради возење под дејство на алкохол. Кавадарчанецот предизвикал и сообраќајна несреќа.
Како што информираат од МВР, ноќеска (18.10.2025) во 00:00 часот полициски службеници од ОВР Прилеп на ул.„11-ти Октомври“ во Прилеп го лишиле од слобода В.С. од Прилеп.
При контрола во патниот сообраќај, полициските службеници сопреле возило „мерцедес” со прилепски регистарски ознаки, кое В.С. го управувал, при што е констатирано дека бил под дејство на алкохол, односно измерени му се 1,58 промили алкохол во крвта.
Исто така, вчера (17.10.2025) во 19:20 часот, во село Пепелиште, неготинско, полициски службеници од ОВР Неготино, го лишиле од слобода С.Ф.(43) од Кавадарци.
При преземање на мерки во врска со сообраќајна несреќа во која С.Ф. учествувал со патничко возило „застава 101“ со неготински регистарски ознаки, било утврдено дека С.Ф. го управувал возилото под дејство на алкохол, односно му биле измерени 3,32 промили алкохол во крвта.
По документирање на случаите, ќе бидат поднесени пријави по член 297-а од Кривичниот законик – „безобѕирно управување со моторно возило“.