Македонија

Кекеновски до Марта Кос: Македонскиот идентитет не е кујнски рецепт

Tокму таквиот пристап ја покажува ограниченоста на европската перспектива кога станува збор за нашето прашање

Университетскиот професор Јове Кекеновски со реакција по изјавата на еврокомесаката Марта Кос, дадена вчера во Скопје во која го спореди идентитетот со традиционални јадења и обичаи.

„Со сета почит – но да бидеме јасни: ние, Македонците, не го мериме нашиот идентитет според тоа колку лути пиперки ставаме во пинџурот, ниту колку убава е тавата со грав. Идентитетот не е фолклорна манифестација или гастрономско доживување“, пишува Кекеновски.

Тој посочува дека македонскиот идентитет е историски, јазично, културно и политички оформен низ векови, и постојано изложен на негирања и условувања – токму во контекст на евроинтеграциите.

„Не сакам да верувам дека вашата изјава била свесно насочена кон банализирање на македонскиот идентитет. Верувам дека намерата ви беше топла. Но токму таквиот пристап ја покажува ограниченоста на европската перспектива кога станува збор за нашето прашање“, наведува професорот.

Во писмото, Кекеновски потсетува дека за разлика од Словенија, која никогаш не била цел на системско негирање од страна на соседна земја-членка на ЕУ, Македонија со години се соочува со барања кои директно ја засегаат нејзината етничка и културна самобитност.

„Во момент кога во Европскиот парламент се поднесуваат амандмани што го негираат македонскиот јазик како посебен, ваквото сведување на идентитетот на кујнска традиција е конкретен удар врз борбата на еден мал народ да го зачува своето право на постоење во сопственото име, јазик и култура“, истакнува тој.

Кекеновски ја повика Кос, но и европската администрација, да го разберат сензитивитетот на македонското прашање и да не го сведуваат на етнографија и рецепти.

„Слушајте нè. Почитувајте нè. И разберете: идентитетот не е објаснување за ЕУ. Тој е темел на човечко достоинство“, завршува Кекеновски.

Најнови вести од: Македонија

Мицкоски: Направете вистински избор за иднината, Македонија беше пред банкрот и распад, но ќе успее со сѐ што правиме и со овој народ!

„Од СДСМ нѐ убедуваат дека криминалот е вредност, распродажбата на националните интереси е патриотски чин, а оти осиромашувањето на народот е успех!“. – нагласи премиерот на Владата на Република Македонија и лидер на ВМРО ДПМНЕ Христијан Мицкоски на вчерашниот митинг во Куманово.

Вреди бара истрага дали поврзаноста на Ахмети и ДУИ со тендерите на „АС Сењак“ ги загрозува националниот интерес и стабилноста на државата

„Државната комисија за спречување на корупцијата треба да покаже дали работи за граѓаните, или е само декор на криминалната власт. Правдата ќе ги стигне сите вмешани во оваа афера против државата.“ – истакна Беким Фазлиу, претставник на коалицијата Вреди.

To top