Македонија

Ќе се тестира „Безбеден град“ во Скопје, сообраќајот ќе се запира

Во првата седмица од предвидениот период, активностите ќе се спроведуваат исклучиво на локациите со поставени камери на подрачјето на Скопје.

1 минута за читање

Министерството за внатрешни работи соопшти дека системот „Безбеден град”, во периодот од 20.01.(вторник) до 31.01.(сабота) ќе се тестира, калибрира, а ќе се врши и верификација на поставените уреди (камери) за сообраќаен надзор. Поради тоа ќе има сопирање на сообраќајот.

Тестирањата ќе се реализираат секој ден во периодот од 8 до 20 часот. За време на спроведување на овие активности, возилата на локациите каде што се врши тестирањето нема да бидат пропуштани додека трае постапката.

„Ги повикуваме граѓаните и сите учесници во сообраќајот да ги почитуваат привремените ограничувања, како и да покажат разбирање, трпение и соработка со цел непречено и безбедно реализирање на планираните активности“, соопшти МВР.

Поврзани теми:

актуелно|Скопје|„Безбеден град|тестирање

Повеќе на оваа тема:

Најнови вести од: Македонија

Над 20.000 Македонци ја напуштија земјата за продолжениот викенд

Министерството за внатрешни работи вели дека сите човечки и технички капацитети се ставени во функција за забрзување на протокот на патници. Пракса е речиси секој продолжен викенд голем дел од македонските граѓани да го поминуваат во странство

Почина сликарот Илија Пенушлиски

Илија Пенушлиски е роден во Скопје 1947. Дипломирал на Академијата за ликовни уметности во Белград во 1971 година. Во 1972/73 бил на постдипломски студии на институтот „Прат“ во Њујорк и има бројни самостојни изложби во земјава и во странство. Неговата последна изложба, изложба „Градот“, каде за првпат во својата плодна и светска кариера работи со дигитална графика, беше во 2018 во скопската галерија „Акантус“.
Сите вести од Македонија

Најнови вести

To top