Со учество на врвни европски и регионални експерти, во Скопје деновиве се одржа меѓународниот симпозиум „Вoдичи во пракса“, во организација на Клиника Жан Митрев.
Според официјалната листа на учесници на симпозиумот каде се зборувало за најновите трендови во кардиоваскуларната медицина не се појавил ниту еден од членовите на Комисијата на министерот Азир Алиу која ги истражува тврдењата на кардиологот Сашко Кедев за аномалии при лекување на пациенти со срцеви заболувања.
Според фотографиите на семинарот е присутен министерот Алиу но не и членовите на неговата комисија меѓу кои повеќето номинално се експерти за Кардиологија.
Иако некои од нив се пријавиле на симпозиумот и го потврдиле своето учество тие не дошле во Клиниката Жан Митрев да слушаат и да дебатираат за најновите достигнувања во кардиоваскуларната медицина.
Expres.mk разговараше со еден од членовите на комисијата која утрдува дали имало непотребни операции кај некои болници како што тврдеше Сашко Кедев.
Докторот вели дека е точно дека го потврдил присуството но решил да не оди откако од него било побарано да не се појави на семинарот.
Тој одбива да открие кој барал да не оди во Клиниката Жан Митрев.
Друг лекар вели дека се работи за врвен настан во кардиоваскуларната медицина но ќе било неприкладно да се оди во Клиниката Жан Митрев затоа што постоела опасност да се зборува за случаите за кои Комисијата рече дека не биле изведени според процедурите.
Зошто е проблем на семинарот на кој учествуваат врвни светски експерти во областа да се зборува за случаите кои ги потегна доктор Кедев лекарот не можеше да каже и одби да разговара понатаму.
Симпозиумот, реализиран во соработка со Центарот за срце и бели дробови при Универзитетскиот медицински центар од Лајден, Холандија, беше посветен на практичната примена на најновите европски ESC/EACTS клинички упатства во третманот на коронарната артериска болест и валвуларните срцеви заболувања. Преку целодневна научна програма, интерактивни мултидисциплинарни дискусии и презентација на сложени клинички случаи, беа отворени клучни прашања поврзани со современото донесување одлуки, персонализираниот пристап кон пациентите и интеграцијата на иновативните хируршки и интервенциски техники во секојдневната клиничка пракса, објави клиниката Жан Митрев.
Организаторите на семинарот Клиниката Жан Митрев денеска не сакаат да даваат детали за гостите и стручната расправа на настанот и најавија конкретен одговор за утре.
Од таму изразуваат жалење што поради лични и бизнис интереси дел од македонските лекари не дошле да ги проследат врвните светски трендови во кардиологијата.
Поврзана вест
Додека е под напад од сериозни политички, бизнис и правосудни структури кардиохирургот органзира врвен научен настан во Македонија