Македонија

Колку пари потрошиле општините низ Македонија за новогодишно украсување на градовите?!

Скоро 800 илјади евра потрошиле анализираните општини за новогодишно украсување, но оваа сума ќе расте бидејќи се чекаат податоци од уште шест општини. Интресно е дека 78% од сумата ја добила само една компанија, покажува истражувањето на Центарот за граѓански комуникации. Најмногу пари потрошила Општина Штип, а на втро место е Град Скопје.

2 минути за читање

Вкупно 36 општини во земјава спровеле тендерски постапки за новогодишно украсување во пресрет на 2026 година, а досега објавените договори достигнуваат вкупна вредност од околу 785 илјади евра, покажува истражувањето на Центарот за граѓански комуникации. Од вкупно 36 општини, 31 доставиле податоци за склучените договори заклучно со 12 јануари 2026 година, додека шест општини сè уште не ги објавиле договорите, иако законскиот рок е 10 дена. Се очекува конечната сума дополнително да се зголеми со објавување на податоците од преостанатите општини.

Најмногу средства за украсување потрошила Општина Штип со над 81 илјада евра, по што следи Град Скопје со околу 69 илјади евра. Кога ќе се соберат и трошоците на останатите скопски општини, во Скопје за новогодишно украсување се потрошени околу 285 илјади евра, што е повеќе од една третина од вкупните трошоци во земјата.

  • „Доколку кон трошоците за украсување на Градот Скопје се додадат и трошоците од другите скопски општини (Центар, Чаир, Бутел, Гази Баба, Ѓорче Петров и Карпош) произлегува дека во Скопје за украсувањето за дочек на новата година се потрошени 17.521.584 денари, односно 284.904 евра. Ова е повеќе од една третина од сите пари потрошени за украсување во земјата. Покрај Град Скопје и сите други 6 општини од градот склучиле договор со фирмата Линк Медиа Плус од Скопје,“ пишува во истражувањето.

Истражувањето покажува дека во 81 отсто од тендерите учествувала само една фирма. Просечно, по тендер биле поднесени 1,15 понуди што е далеку под препорачаниот минимум за обезбедување пазарна конкуренција.

Дополнително, речиси сите договори, 30 од вкупно 32, се склучени во декември, дел од нив само две недели пред Нова година. Овој начин на постапување, според анализата, ги ограничува можностите за учество на повеќе фирми и ги фаворизира веќе ангажираните компании, а воедно голем дел од општините не го испочитувале рокот за навремено објавување на договорите.

Истражувањето е направено врз основа на јавно достапните податоци од Електронскиот систем за јавни набавки и ги опфаќа сите општини кои во 2025 година спровеле набавки за новогодишно украсување.

Поврзани теми:

топ|општини|пари|градови|нова Година|украсување|ЗАБАВИ|украси

Повеќе на оваа тема:

Најнови вести од: Македонија

(Видео): Филипче против укинување на Техничка влада, вели прво реформски закони па после друго

Техничката влада е воведена поради злоупотребите на институциите токму во владеењето на ВМРО-ДПМНЕ пред неколку години, а сега истото се случува, поради тоа не поддржуваме укинување на Техничка влада. Лидерот на СДСМ уште еднаш го повтори ставот и смета дека е оправдана одлуката да не присуствува на лидерската средба.

Пазарниот инспектор се засилува со нови 40 инспектори, ќе се контролира кој ги крши законите

Дури 129 пазарни инспектори контролираат над 40 закони низ цела Македонија. Надлежните велат дека инспекторите работеле цело времре, и направиле многу проверки, но потребни се нови колеги. Министерот за економија и труд, Дурмиши, уверува дека се работи на тоа прашање – веќе се обучувале околу 40 нови работници.

Ахмети: Се согласуваме со една изборна единица, а за укинување на техничката влада да се консултираат ЕУ и САД

„Во однос на прашањето за техничката влада, ние сме на ставот дека треба да се консултираме дополнително со меѓународната заедница, меѓународниот фактор и партнерите кои се коавтори на текстот за Пржинската влада – ЕУ и САД.“ – посочи Ахмети.

Загина тетовецот Обрад Стојановиќ (76) во запалениот стан, син му повреден

Починатиот Обрад Стојановиќ 42 години работеше како наставник по практична настава во Средното текстилно училиште „Ѓоце Стојчевски-Амбарче“, во Тетово. Еден е од основачите на Здружението на Срби и Македонци „Бранко Чајка“ од Тетово и негов прв претседател.

Мицкоски: Компромис за Законот за прекршоци, а за техничката влада сме согласни да се укине

„Денеска јавноста беше сведок на поинаков пристап на решавање на отворени прашања, нешто што можеби не се случувало во изминатите 35 години државност, а тоа е преку плодна дискусија во оваа лидерска средба и во дебата, која во одредена мерка беше полна со предлози и идеи.“ – изјави денеска претседателот на Владата на Република Македонија и лидер на ВМРО ДПМНЕ Христијан Мицкоски. Тој истакна дека средбата била конструктивна. „Голем дел од отворените прашања се отворија. За поголем дел од тие поголеми отворени прашања имаме исто мислење и заеднички јазик, за еден дел, нормално, позициите ни се разликуваат. Но, она, што за мене важно е преку една ваква дискусија, во која што сите чинители присутни на оваа лидерска средба, кажаа јавно дека таа средба била конструктивна.“ – нагласи Мицкоски. „Македонските граѓани во овој период на празници можеа да видат поинакво однесување од политичките чинители, зрело и конструктивно однесување, кое значи надминување на проблемите.’ – додаде тој.
Сите вести од Македонија

Најнови вести

To top