Навивачката група „Комити Скопје“ преку објава на социјалните мрежи повикува на заедничко одбележување на 123-годишнината од смртта на македонскиот револуционер Гоце Делчев.
Во повикот се наведува дека утре сите членови на групата, како и сите Македонци што сакаат да оддадат почит, се поканети да се приклучат на традиционалното чествување на неговиот лик и дело.
Собирот е закажан за 12:00 часот пред „Жабар“, од каде што учесниците ќе се упатат кон црквата „Св. Спас“.
Од „Комити Скопје“ порачуваат дека настанот се одржува во духот на почит кон Гоце Делчев и неговите идеали.