Македонија

Куп пропусти: Уништени над 355 тони отровна храна, изречени казни од 618.000 евра

Контролите ги спровеле официјалните ветеринари и инспекторите за храна и опфатиле домашно производство и промет, дистрибуција, угостителски објекти, како и увоз и извоз на храна и добиточна храна. Посебен фокус бил ставен на почитувањето на добрата хигиенска и производствена пракса, НАССР системот за безбедност на храната, правилното означување на производите и здравствената заштита на животните. Од АХВ велат дека инспекциските надзори биле спроведувани врз основа на проценка на ризик.

2 минути за читање

Над 125 илјади инспекциски контроли биле спроведени минатата година во областа на безбедноста на храната, здравствената заштита и благосостојбата на животните, соопшти Агенцијата за храна и ветеринарство. Контролите ги спровеле официјалните ветеринари и инспекторите за храна и опфатиле домашно производство и промет, дистрибуција, угостителски објекти, како и увоз и извоз на храна и добиточна храна. Посебен фокус бил ставен на почитувањето на добрата хигиенска и производствена пракса, НАССР системот за безбедност на храната, правилното означување на производите и здравствената заштита на животните. Од АХВ велат дека инспекциските надзори биле спроведувани врз основа на проценка на ризик.

  • Објектите со повисок ризик беа контролирани почесто, со цел навремено откривање и спречување на можни опасности по здравјето на граѓаните – наведуваат од Агенцијата.

Само во внатрешниот промет, во текот на 2025 година биле реализирани 47.200 инспекциски контроли, во рамки на редовни и вонредни надзори. Притоа биле издадени 5.406 решенија, изречени 1.073 прекршочни платни налози, а поднесени се и 10 прекршочни и 8 кривични пријави, сите поврзани со здравствената заштита и благосостојбата на животните.

Вкупната вредност на изречените казни изнесува 618 илјади евра во денарска противвредност.

Во рамки на контролите, инспекторите одзеле и нештетно уништиле 355.377 килограми небезбедна храна, меѓу кои месо и месни производи, млеко и млечни производи, јајца, риба, јаткасти плодови, кондиторски производи, како и алкохолни и безалкохолни пијалаци.

  • Одземањето и уништувањето на небезбедната храна е една од клучните мерки за заштита на здравјето на потрошувачите – нагласуваат од АХВ.

Покрај домашниот пазар, спроведени биле и 78.016 контроли на увозни и транзитни пратки, со храна од животинско и неживотинско потекло, материјали што доаѓаат во контакт со храна, добиточна храна и живи животни.

Како небезбедни биле уништени осум пратки со храна од неживотинско потекло во количина од 69.785 килограми, додека една пратка била вратена во земјата извозник.

Дополнително, уништени биле три пратки со храна од животинско потекло со вкупна количина од 22.061 килограм, а 16 пратки биле вратени како небезбедни. Од Агенцијата порачуваат дека инспекциските контроли ќе продолжат и во наредниот период, со цел да се обезбеди безбедна храна и повисоко ниво на заштита на здравјето на граѓаните.

Поврзани теми:

АХВ|пропусти|топ|казни|евра|храна|пари|контроли

Повеќе на оваа тема:

Најнови вести од: Македонија

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.
Сите вести од Македонија

Најнови вести

To top