Во земјата каде што во најголем број случаи Македонците ставаат лајкови само на своите а Албанците ги поддржуваат само сонародниците таа во прилично совриена политичка атмосфера успеа да ги премости разликите и поделбите на етничка основа.
Линдита Линчи Лимани Јовановска ги освои срцата на сите луѓе со добри намери додека го поддржуваше својот сопруг за време на кампањата за локалите избори во Кичево.
На сопругата на новиот градоначалник на Кичево Александар Јовановски и беа доволни една изјава објавена на Фејсбук и неколку изјави за локални медиуми за да ги освести сите граѓани дека на Кичево не му треба Македонец или Албанец туку човек што ќе ја исчисти депонијата среде градот, ќе го реши проблемот со кучињата скитници и ќе стави ред во општото функционирање на главната крстосница меѓу Скопје и Охрид.
За својата изјава на Фејсбук во која побара граѓаните пред гласањето да размислуваат и за нејзините деца од мешан брак но и за сите други деца доби огромен број лајкови од сите граѓани на Кичево но и од цела Македонија.
Таа уште еднаш покажа дека кога во политиката се зборува со разум и со човечност, партиската, етничката или верската припадност не мора да создаваат разлика и секој може да биде обединител.
Линчи која во бракот со новиот градоначалник на Кичево има три дечиња во исто време е гаранција дека Јовановски кој веќе е познат по еднаков пристап кон сите граѓани без разлика на етничка, верска или полова припадност нема да му текне Кичево да го води со националистичка реторика и да дискриминира некого затоа што е Рим, Албанец, Турчин или нешто друго.