Кугларската федерација на Македонија соопшти дека членот на македонската репрезентација, Урош Стоклас, постави нов Гинисов рекорд во најдолго непрекинато куглање.
„Натчовечки напори и 25 часа непрекинато куглање, речиси 3.200 фрлени кугли, срушени над 15.000 кегли, 26 цели серии по 120 кугли и просек од 615!
Чест е да се биде сведок на ваков подвиг на врвен спортист од планетарен ранг, посебно што е наш репрезентативец и наш спортски амбасадор“ – објави Кугларската федерација на Македонија.
Стоклас го почна подвигот во текот на вчерашниот ден во „Куглана Градишка“ во Словенија, неговата родна земја. Урош го го сруши сопствениот рекорд.
