Премиерот Христијан Мицкоски останува на ставот дека протестите организирани од Сојузот на синдикати се политички инструирани. Тој кажа и дека Владата како најголем работодавач си ги регулирала своите обврски, алудирајќи на постигнатиот договор за раст на платите во администрацијата.
„ Ние кажавме дека ќе го поддржиме секое решение што ќе го постигнат работодавачите и Синдикатот.
Но, политички инструирани самоводачи нема да поддржиме – рече Мицкоски во врска со днешната блокада на Собранието од страна на ССМ.
Тој посочи дека еден од тие што протестирале, пред некој ден заедно со него држел прес-конференција и посочил дека е постигнат историски договор.
Прес-конференцијата се однесуваше на договорот со Владата за околу 11.000 административни работници кои не беа покриени со никаков гранков договор и за нив се договори постепено зголемување на платите до 2028 година за 40 проценти.
Денешниот протест, пак беше за зголемување на минималната отплата и на сите други плати соодветно.