Македонија

Муцунски: Филипче и опозицијата треба да се извинат, а не да шират хистерија и критикуваат

Министерот за надворешни работи и надворешна трговија, Тимчо Муцунски, во емисијата „Тема на денот“ на Сител телевизија, истакна дека Брисел го толкува процесот на проширување како унификација на Европа со економско, но пред сè безбедносно значење за ЕУ, во услови на сложен геополитички контекст.

2 минути за читање

Министерот за надворешни работи и надворешна трговија, Тимчо Муцунски, во емисијата „Тема на денот“ на Сител телевизија, истакна дека Брисел го толкува процесот на проширување како унификација на Европа со економско, но пред сè безбедносно значење за ЕУ, во услови на сложен геополитички контекст.
Тој е уверен дека уставните измени би довеле до поинаков тон во Извештајот на Европската комисија, бидејќи техничката оценка секогаш носи и политички аспект. Владата, нагласи, отворено ги пренесува ставовите на народот во Брисел и врз нив ги гради позициите.

„Не е само прашањето на уставни измени, прашањето е кои се гаранциите што ќе ги добие државата за предвидливоста на нејзиниот пат напред“, рече Муцунски.
По година и половина опозициска хистерија дека надворешната политика нема концепт, Извештајот на ЕК го демантира тоа: надворешната политика и регионалната соработка се највисоко оценети, со пофалби за усогласеноста со заедничката надворешна и безбедносна политика на ЕУ, историското партнерство во одбраната и одржувањето на стратешкото соработништво со САД во време на глобални конфликти и променети трансатлантски односи.

„Лидерот на СДСМ тврди дека имаме анти-ЕУ надворешна политика, без концепт, и тоа често го има повторувано, но ЕУ сега вели дека една од најсилните алки во системот на евроинтеграција е надворешната политика на државата“, рече шефот на македонската дипломатија.
Муцунски оцени дека опозицијата нема кредибилитет да коментира евроинтеграции, особено кога Филипче го брани решението од 2022 година.

„Мојата поента е – кој е легитимитетот и кој е кредибилитетот на луѓето кои ја доведоа нашата држава во оваа позиција во делот на европските интерации да ценат?“

Тој повика на консензус меѓу Владата, опозицијата и сите засегнати страни. Наместо нереални критики, потребно е заедничко дејствување. Филипче, смета Муцунски, би требало да се извини за грешките од 2022 година, наместо да зборува за нејасни „црвени линии“ што ја влошуваат позицијата на државата во странство.

„Така да контрадикторноста на опозицијата и кога беше власт и сега се покажува постојано на дело и немаат кредибилитет да зборуваат по овие прашања“, заклучи Муцунски.

Поврзани теми:

Тимчо Муцунски|ЕК|Брисел|европски пат|актуелно|еу|СДСМ|ВМРО-ДПМНЕ

Повеќе на оваа тема:

Најнови вести од: Македонија

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.
Сите вести од Македонија

Најнови вести

To top