Македонија

Муцунски: Нема повеќе отстапки без резултати во евроинтеграциите

Министерот за надворешни работи и надворешна трговија, Тимчо Муцунски, денеска во Собранието истакна дека Владата води кредибилна и одговорна надворешна политика, фокусирана на заштита на националните интереси и достоинството на државата.

1 минута за читање

Министерот за надворешни работи и надворешна трговија, Тимчо Муцунски, денеска во Собранието истакна дека Владата води кредибилна и одговорна надворешна политика, фокусирана на заштита на националните интереси и достоинството на државата.

Одговарајќи на пратеничко прашање за евроинтеграциите, Муцунски порача дека „нема повеќе отстапки и попустливост што не вродуваат со резултати“. Тој ја оцени како разумна и оправдана позицијата на Владата да бара дополнителни гаранции и предвидливост во европскиот процес.

„Не е точно дека од државата се бараат само уставни измени. Суштинскиот проблем произлегува од непромислените решенија од 2022 година“, рече министерот.

Муцунски потсети дека во изминатиот период се постигнати значајни резултати, меѓу кои:

  • Македонија стана прва држава во регионот што потпиша Партнерство за безбедност и одбрана со Европската Унија;
  • Потпишани се договори за стратешко партнерство со Обединетото Кралство, Унгарија и Хрватска;
  • Државата била прва во Европа што одржала стратешки дијалог со Соединетите Американски Држави во Вашингтон;
  • Македонија е прва во регионот според исплатата на средства од Планот за раст на ЕУ.

„Водиме кредибилна надворешна политика, но истовремено и надворешна политика што стои во заштита на нашето национално достоинство и национален интерес“, заклучи министерот Муцунски.

Поврзани теми:

Министер за надворешни работи|пратенички прашања|топ|Собрание|Тимчо Муцунски

Повеќе на оваа тема:

Најнови вести од: Македонија

Мицкоски: Ако не се свртиме кон семејните вредности и многудетните семејства економијата ќе биде на удар

Ако не се свртиме кон семејните вредности и кон многудетните семејства и ако тие вредности не ги промовираме, македонската економија ќе биде прва која што ќе биде на удар, истакна денеска премиерот Христијан Мицкоски, коментирајќи ја изјавата на вицепремиерот и министер за транспорт, Александар Николоски дека до 2030 година годишно ни се потребни 50.000 странски работници, за да го држиме нивото на БДП што го имаме сега.

ОКТА продолжува со попуст од два денари по литар дизел гориво

Како одговор на најновите случувања на меѓународните пазари на горива, ОКТА АД – Скопје воведува привремен попуст од 2 денари по литар дизел гориво, со важност од денеска, 20 октомври 2026, до 2 ноември 2026 г.

(Фото): Работна средба за инфраструктурните приоритети на Карпош

Градоначалникот на Општина Карпош, Сотир Лукровски, се сретна со ресорниот министер за транспорт, Александар Николоски, каде беа разгледани тековните инфраструктурни проекти и можностите за нови инвестиции во интерес на граѓаните.

Мицкоски: Усниот дел од правосудниот испит треба да се полага единствено на македонски јазик

Писмениот дел од правосудниот испит да се полага на јазикот на кој е завршено високото образование, а усниот на македонски јазик. Ова е ставот на македонската Влада, кој денеска го соопшти премиерот Христијан Мицкоски, по вчерашното одбивање на ваквиот предлог од студентите Албанци, на средбата со министерот за правда, Јетон Шасивари.

Клековски: Со бугарската министерка се согласивме дека случајот со Ива е правно, а не здравствено прашање

Македонскиот министер за здравство Сашо Клековски изјави дека за време на средбата со бугарската министерка за здравство во Софија била постигната премолчена согласност дека случајот со Ива Михаилова не е прашање од областа на здравството, туку од надлежност на правосудните институции.

Се разгледуваат две локации за новиот Клинички центар во Скопје – вложувања во здравствени објекти во Штип, Тетово и Кичево

Две локации во близина на болницата „8 Септември“ се разгледуваат за изградба на новиот клинички центар во Скопје, а преговорите за изборот на парцелата треба да завршат до крајот на годинава, најави премиерот Христијан Мицкоски. Истовремено, Владата подготвува инвестиции во три здравствени објекти во Штип, Тетово и Кичево, при што реализацијата на првиот проект би можела да започне во летото 2027 година.
Сите вести од Македонија

Најнови вести

To top