Ова е објаснувањето на 23-годишникот кој влечеше куче со автомобил во Крива Паланка.
Видеото на кое се гледа како врзаното куче трча зад автомобилот, ја вознемири јавноста.
„Кучето беше ставено во бажаникот на колата. Го скокна седиштето и се скина ланчето на него. И рипна од прозорот, бев на кривината, не смеев да застанам. И затоа ја намалив брзината, за да ме видат и заобиколат сите, излегов на пошироко за прегледност, го земав кучето го подигнав и застанав на страна“, објаснува тој за здружението „Happy Paws“, пренесува Скопје 1.
Вели дека немал намера да го повреди ниту мачи, туку кучето кое сакал да го однесе до викендица само скокнало од прозорец на автомобилот.
Но нема објаснување како кучето и го скинало „ланчето“ и како и понатаму врзано било приморано да трча зад автомобилот.
„На секој може да му се случи, куче како куче“, вели тој во јавното извинување за случајот.