Македонија

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

2 минути за читање

Вицепремиерот и министер за транспорт, Александар Николоски, оствари работни средби во Стејт департментот на САД, на кои се разговараше за стратешкото партнерство меѓу Македонија и САД, со посебен акцент на политичките и економските врски. На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

  • „Денес во американскиот Стејт департмент одржав неколку средби на високо ниво, каде што разговаравме за односите меѓу нашите две земји. САД се стратешки партнер број еден на Македонија, земја која најмногу ја поддржува Македонија, и разговаравме за нашата заедничка економска и политичка соработка. Меѓу другото, се сретнав и со заменик-помошникот државен секретар за Европа, Даниел Лотон. На средбата разговаравме за продлабочување на политичките и економските врски меѓу двете земји, како и за стратешкото партнерство што го споделуваме. Разговаравме и за соработката во НАТО во овие предизвикувачки времиња, како и за заедничките операции што ги спроведуваме“, изјави вицепремиерот Николоски по средбите во Стејт департментот.

Николоски нагласи дека се разговарало за економска соработка, главно во областа на енергетската транзиција и изградбата на коридори.

  • „Разговаравме за паневропските коридори 8 и 10, кои минуваат низ Македонија и се од витално значење за економијата и безбедноста на нашата земја. Разговаравме и за продлабочување на соработката во наредниот период. Очекуваме повторно да се активира Стратешкиот дијалог, каде што ќе разговараме за заедничките предизвици на двете земји. Тука е и трговскиот договор, кој ќе овозможи многу повеќе бизнис и трговија меѓу двете земји, и секако стратешкото партнерство, кое треба да донесе просперитет, напредок, безбедност и прозападни вредности во Македонија“, рече Николоски.

Вицепремиерот Николоски денес ја продолжува работната посета на Вашингтон со говор на глобалниот настан „Трансформирање на транспортот 2026“.

Поврзани теми:

Николоски|вашингтон|САД|топ

Повеќе на оваа тема:

Најнови вести од: Македонија

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.

Samsung Galaxy S26 Серијата и Galaxy Buds4 Серијата сега достапни ширум светот

Galaxy S26 серијата бележи двоцифрен раст во нарачки, додека Galaxy S26 Ultra е избор на 70% од потрошувачите, заедно со Galaxy Buds4 серијата со неверојатен звук.
Во Европа, уредот Galaxy S26 Ultra бележи 20% раст на нарачките на годишно ниво

Сите вести од Македонија

Најнови вести

To top