Македонија

Нино Васев бара Државниот јавен обвинител да го преземе случајот

Судењето против поранешниот директор на Клиниката за онкологија Никола Васев, кој заедно со уште двајца онколози е обвинет за несовесно лекување пациенти, се одложува за 8 октомври, откако одбраната на првообвинетиот Васев побара државниот јавен обвинител Љупчо Коцевски да го преземе предметот или да го делегира на друго обвинителство. – Со оглед на предлогот упатен […]

Судењето против поранешниот директор на Клиниката за онкологија Никола Васев, кој заедно со уште двајца онколози е обвинет за несовесно лекување пациенти, се одложува за 8 октомври, откако одбраната на првообвинетиот Васев побара државниот јавен обвинител Љупчо Коцевски да го преземе предметот или да го делегира на друго обвинителство.

– Со оглед на предлогот упатен до државниот јавен обвинител Љупчо Коцевски со кој се бара преземање на кривично гонење, по кој поднесок е потребно да одлучи јавниот обвинител на РСМ, Судот констатира дека не се исполнети законските услови за водење на постапката. Од тие причини главната расправа се одложува за 8 октомври – рече судијката Снежана Марковска.

Пред почетокот на рочиштето бранителот на Васев, адвокатот Спиро Ристовски достави до Судот барање за делегирање на надлежност од ОЈО Скопје на државниот јавен обвинител Љупчо Коцевски и тој целосно да ја преземе постапката или да го делегира на друго јавно обвинителство.

Јавната обвинителка Ана Гоговска Јакимовска побара одложување на денешното рочиште, затоа што, како што рече, не може да се произнесе по ова барање и мора да го достави до таму каде што тоа е упатено.

Бранителите на првообвинетиот Нино Васев, адвоктите Мартин Митровски и Никола Ставрев пред почетокот на денешното рочиште го известиле Судот дека го повлекуваат полномошното, а нови бранители на Васев се адвокатите Дељо Кадиев и Спиро Ристовски.

Денешното рочиште требаше да продолжи со сослушување на сведоци предложени од Обвинителството, кои беа повикани денеска во Основниот кривичен суд Скопје.

Поранешниот директор на Клиниката за онкологија Никола Васев, заедно со уште двајца онколози Симонида Црвенкова и Драган Јакимовски, вработени на Клиниката за радиотерапија и онкологија Скопје, се обвинети за несовесно лекување пациенти. Постапката започна против уште еден онколог, второобвинетата Мери Пешевска, која призна вина пред судот, по што судот ја осуди на две години условна казна затвор.

Обвинението ги товари лекарите за продолжени „тешки дела против здравјето на луѓето“ и „несовесно лекување“, при што кај 29 пациенти биле применети неподобни терапии, со отстапувања во дозирањето и без соодветна проценка на здравствената состојба.

Покрај ова, против Васев и поранешниот економски директор на Клиниката е поднесено уште едно обвинение за злоупотреба на службена положба и проневера, со штета од над 2,2 милијарди денари на државниот буџет.

Најнови вести од: Македонија

Кривична пријава против поранешен директор на АХВ за проневера

Полицијата поднесе кривична пријава против поранешниот директор на Агенцијата за храна и ветеринарство, Зоран Атанасов, неговиот заменик и уште петмина вработени во АХВ, поради проневера во службата.

Касами: Не стојам зад Хаќим Рамадани и не го поддржувам во Брвеница, оти предизвика етничка поделба

Градоначалникот на Тетово и лидер на Движењето Беса Билал Касами во интервјуто, дадено за ТВ Алсат, нагласи дека на прагот на вториот круг на локалните избори на 2 ноември тој и коалицијата Вреди не ги поддржуваат ниту Фатмир Дехари како кандидат на ДУИ за градоначалник на Кичево, ниту Хаќим Рамадани како кандидат на Вреди за претседател на општина Брвеница.

Ѓорѓиевски: Левица е во коалиција со ДУИ, се виде уште од првиот круг, тоа го потврдуваат сега и фотографиите!

„Левица имала поддршка од ДУИ уште во првиот круг на локалните избори.“ – нагласи кандидатот за градоначалник на Град Скопје Орце Ѓорѓиевски во вечерашната емисија „На дуел кај Иван“ на Канал 5 телевизија.

Касами: Дехари не донесе ништо добро во Кичево, не можеме да застанеме зад него само оти е Албанец!

Билал Касами, тетовскиот градоначалник и лидер на Беса, од коалицијата Вреди, во интервјуто за ТВ Алсат посочува дека „намерата не била да се поддржи ниеден кандидат, поради етничка припадност, туку врз основа на морални вредности и политички перформанси“.

To top