Македонија

Од денеска само опомени, а по Нова Година и казни

Камерите поставени на главните сообраќајници, ќе детектираат и евидентираат сообраќајни прекршоци во реално време и ќе ги известува возачите

1 минута за читање

Од денеска стартува проектот „Безбеден град“, со кој камерите од системот „Safe City“, поставени на главните сообраќајници, ќе детектираат и евидентираат сообраќајни прекршоци во реално врем, информира Министерството за внатрешни работи

Системот автоматски ќе го регистрира прекршокот и ќе испрати известување до возачот.

До крајот на годината ќе трае пробниот период, во кој ќе се издаваат само опомени, а од почетокот на следната година ќе започне и изрекувањето казни.

Камерите ќе идентификуваат низа прекршоци, меѓу кои пречекорена брзина, минување на жолто или црвено светло, неправилно престројување, возење со истечена сообраќајна дозвола, како и непрописно паркирани возила.

Во следната фаза е предвидено проширување на листата на прекршоци кои ќе ги детектира електронскиот систем.

Проектот прво ќе се тестира во Скопје и уште два града, а од наредната година ќе се спроведува на целата територија на државата.

Поврзани теми:

актуелно|казни|„Безбеден град|опомени|сејф сити|камери

Повеќе на оваа тема:

Најнови вести од: Македонија

Дали денешната средба на косовското Ветвендосје на Албин Курти со Албанци во Скопје е најава дека ќе ги прошири активностите и во Македонија?!

Веќе 14 години во оптек е идејата, поточно намерата на Албин Курти, доскорешен премиер на Косово, и актуелен лидер на косовската партија Движење Ветвендосје (Самоопределување) да отвори свој огранок, или центар, и во Македонија. Засега нема поблиски информации дали би можело наскоро таа идеја и намера да се реализира, со тоа што партијата на Курти би го проширила своето политичко дејствување и на територијата на Македонија. Инаку, Ветвендосје одржува блиски контакти и тесна соработка со коалицијата Вреди.

Пренџов: Заев и Филипче ѝ дадоа на Бугарија што бараше 150 години, но Бугарите во Уставот ќе влезат кога и Македонија и Македонците во ЕУ!

„Тоа што го бара Бугарија не е ново, тоа Бугарија го бара 150 години и ниеден претходно не го направил тоа, што што го направија Заев и Филипче. Предупредувавме дека ќе завршиме во ќорсокак, дека на Македонецот му е доста од понижување. Предупредувавме дека покрај сменето име, презиме, банкноти, 20 пати Устав сменето, знаме сменето, не сакаме повеќе да бидеме луѓе, кои ќе ја наведнуваме главата, научени да губиме, а ништо да не добиваме. Ние сме нова политичка номенклатура, но ги држиме македонската традиција и македонскиот идентитет по секоја цена! Кога се работи за Македонија, за нашите предци и за нашите поколенија, мора многу сериозно, многу стратегиски и многу мудро да се размислува. Не велиме дека никогаш нема да има Бугари во Уставот, но велиме дека велиме кога Македонците ќе влезат во ЕУ тогаш и Бугарите ќе влезат во нашиот Устав!“ – изјави пратеникот од ВМРО ДПМНЕ Љупчо Пренџов во гостувањето во ТВ Канал 5.

Забавниот парк „Зимзоленд“ под клуч – инспекцијата го затвори по направените вонредни контроли

Клуч за вртелешките во скопско Ново Лисиче. Забавниот парк „Зимзоленд“ е затворен за посетители. Според информациите, во текот на денот објектот бил затворен по интервенција на Министерството за внатрешни работи, во координација со Општина Аеродром. На терен и инспекоти од УЈП.
Сите вести од Македонија

Најнови вести

To top