Натаму ОМО „Илинден“ – Пирин во објавата истакнува: Споделуваме сведоштво од мелничанецот Иван Анастасов-Грчето за чистотата на македонското ослободително дело, кое Делчев го чувал со посебна жар, за што посведочија и документите од изминативе денови. Бугарија за Делчев е туѓа и надворешна и не сакал воопшто со неа да се преплетува ослободителното дело на Македонците.
„До тогаш бев во магла. Тргнав со четата, ама што ќе правам, право не знаев. До тогаш мислев, дека револуцијата е лесна работа, само да се внесат нешто пушки и др. Делчев објасни: не може да се надеваме на туѓа помош, да не чекаме помош од Бугарија ни од која да е друга сила, туку треба да се подготвиме од внатре – во душата, секој селанец да се вдахнови од таа идеја, се да се подготви и тогаш да се крене масовно востание. До тогаш никој од надвор да не се меша во нашата работа итн.“ – сведочел Иван Анастасов-Грчето
Слава му на Гоце Делчев!