Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“ во општина Гази Баба, од денеска, 15 септември, до петок, 19 септември, ќе се одвива без физичко присуство на учениците во училиштата, туку преку интернет.
Оваа одлука доаѓа поради пожарот во Трубарево, општина Гази Баба и препораките на Државниот инспекторат за животна средина.
На итна седница на Владата беше усвоен Заклучок дека наставата во четирите основни училишта ќе се одвива преку учење од далечина, со користење на електронски комуникациски алатки.