Тодор Александров, е еден од главните столбови на современата македонска држава, а негова животна водилка била идејата за автономна и суверена Македонија-порача Александар Пандов, претседател на Патриотскиот институт -ВМРО-ДПМНЕ, на одбележувањето 101 години од смртта на Александров. Во црквата Успение на Пресвета Богородица во родното место на големиот војвода, штипско Ново Село, се одржа панахида во негова чест..
„ За мене како Македонец, историчар и политичар, токму Тодор Александров, е еден од славните македонски синови на кои им должиме тоа што ние сега ја имаме Р.Македонија, како држава„ изјави Александар Пандов, претседател на Патриотскиот институт-ВМРО-ДПМНЕ.
Тодор Александров, беше една од најконтроверзните историски личности. Се тврдеше дека бил и бугарски поданик, но до деведесеттите години историјата успеа да докаже кои биле неговите вистински идеали и кауза..
„ Тие контраверзии ако постоеле до деведесетите и се расчистувале крајот на минатиот и почетокот на овој век, на секој еден му е јасно дека тој е Македонец, роден во Штип, Ново Село, работел и дејствувал како Македонец, работел за македонската кауза, идејата за автономна и суверена Македонија била во неговата идеја водилка и за самото тоа на крајот од денот релативно млад го има изгубено својот живот„изјави Александар Пандов.
Панахидата за Александров, се одржува по 30-ти пат, а минатото лето во штипско Ново Село, беше поставен споменик-обележје со неговиот лик.