Кога луѓето ме прашуваат зошто толку многу ја поддржувам Македонија, одговорот е едноставен – затоа што чувствувам искрено пријателство и голема блискост кон овие луѓе, објави на социјалните мрежи пратеничката во хрватскиот парламент и поранешен член на Европскиот парламент, Маријана Петир упатувајќи честитка по повод 8-ми Септември, Ден на независноста на Македонија.
„Ја одбележавме 35-годишнината од независноста на Македонија во Хрватскиот државен архив со гала концерт на македонска хорска музика во изведба на професионалниот хор ПРО АРС, под диригентската палка на маестро Саша Татарчевски, и со изложбата на Државниот архив на Македонија „Архивски документи – столб на македонскиот идентитет“, која сведочи за историскиот пат на Македонија кон независноста.
Драги луѓе, тешка историја, многу неправди, но и голема сила, достоинство и љубов кон нашата земја. Затоа ми е особено драго што ја славиме оваа важна годишнина во Хрватска, потврдувајќи го долгогодишното пријателство и културна врска меѓу нашите две земји.
Среќен Ден на независноста на прекрасната Македонија и на сите што ја сакаат! 🇲🇰 Види помалку