Македонија

По предлог на Васев пациентка на Онкологија примала експериментална терапија

Ново сведочење на судењето за случајот „Онкологија“

3 минути за читање

Со сослушување на сведок предложен од Основното јавно обвинителство, денеска продолжи судскиот процес против поранешниот директор на Клиниката за онкологија Никола Васев, којшто заедно со уште двајца онколози е обвинет за несовесно лекување пациенти.

Сведокот Александар Гаќев, сопруг на сега веќе почината пациентка, пред Судот кажа дека по предлог на Васев, неговата сопруга примала терапија според експериментална програма и лекувањето траело шест месеци.

Гаќев рече дека лекувањето почнало кај докторката Мери Пешевска, а потоа продолжило кај директорот Васев. На почетокот од лекувањето тој рече дека неговата сопруга ја чувствувала терапијата, но по одреден период во неколку наврати нагласувала дека не ја чувствува повеќе истата терапија.

„Експерименталната терапија започна во 2022 година и траеше можеби шест месеци, не сум сигурен. Документите кои ги имавме после година дена со ќерка ми одлучивме да не ги чуваме и да ги фрлиме. На почетокот почувствува подобрување, после кажа дека терапијата ѝ е чудна и дека не ја чувствува. Ѝ беше кажано дека нема да ѝ падне косата и навистина не ѝ падна, почувствува подобрување. Понатаму, кажа дека се чувствува како да не пие ништо“,рече сведокот Гаќев во одговор на прашања од Обвинителството.

По одреден период тој посочи дека ѝ се појавила рана на градите, по што Васев предложил раната да биде преврзана. Кога отишле со сопругата на преврска, како што појасни, медицинската сестра случајно со прстенот ја закачила, по што раната се отворила и интензивно се проширила.

„Ѝ се појави рана на градите, по што докторот предложи да биде преврзана и да ја прати на преврска. Кога отидовме на преврска сестрата случајно ја закачи со прстен и ѝ се отвори раната и постепено се прошируваше. Имам слики од самата рана“,рече Гаќев.

Откако по одреден временски период неговата сопруга била пуштена на домашно лекување за две недели починала.

Адвокатот на Васев: Вештачењата на словенските и српските лекари се неточни  – не добија доволно документација

Адвокатот Боби Спирковски, којшто е бранител на првообвинетиот Васев, вештачењата направени од страна на словенските и српските лекари ги квалификуваше како неточни и непрецизни, бидејќи, како што рече, тие не добиле доволно документација, односно добиле само истории на болестите на пациентите.

„Вештачењето на сведокот е сосема спротивно од вештачењето на лекарите од Словенија. Ние не се сомневаме во стручноста на лекарите од Белград или од Марибор, туку ние само сметаме дека нивните вештачења се неточни и непрецизни, бидејќи тие не добиле доволно документација. Добиле само истории на болестите, што не е доволно и прават кардинални грешки – сметаат дека не можат да одлучуваат без да знаат каква е висината и тежината на пациентот“,рече Спирковски.

Тој додава дека секој лекар онколог, дури и секој пациент на Онкологија знае дека прва работа што лекарот пред да даде било каква терапија ја мери висината и тежината на пациентот, за преку една формула да определи каква да биде терапијата. Тоа, како што рече, е „абецеда“ во онкологијата.

Одбраната на првообвинетиот Васев на минатото рочиште до Судот поднесе барање државниот јавен обвинител Љупчо Коцевски да го преземе предметот или делегира на друго обвинителство. Со оглед дека по предлогот е потребно да одлучи јавниот обвинител на РСМ, судот ја одложи расправата.

Поврзани теми:

пациенти|Нино Васев|обвинет|сведоци|погрешна терапија|судење|топ|актуелно|ОНкологија

Повеќе на оваа тема:

Најнови вести од: Македонија

Конгрес на ВМРО-ДПМНЕ во Кавадарци, се очекува реизбор на Мицкоски

„Генерално, ‘Стратегијата Македонија 2030’ е документ, што ја содржи визијата за тоа како ние, како ВМРО-ДПМНЕ, во моментов владејачка партија, а се надеваме и до 2030-тата ќе биде така, ја гледаме Македонија и кои се столбовите, врз кои ќе ја темелиме нашата политика и како политичка партија и како најголема политичка партија во рамки на Владата.“ – рече завчера на средба со новинарите лидерот на ВМРО-ДПМНЕ и претседател на Владата на Република Македонија Христијан Мицкоски.

Денес во Кавадарци Конгрес на ВМРО-ДПМНЕ: отворање ново поглавје на опстојот и развојот на македонската држава со „Стратегија Македонија 2030“

„Стратегијата Македонија 2030“ ја дефинира улогата на ВМРО-ДПМНЕ токму во таа насока: партија што предвидува, а не следи; партија што гради систем, а не мандат; политичка сила што поставува долгорочна архитектура на државата. Како генерација ние мораме да обезбедиме стабилна и просперитетна иднина на поколенијата, што доаѓаат. Сега е нашето време да ја ставиме својата цигла во нашиот заеднички дом – Македонија. ВМРО-ДПМНЕ повторно е прва политичка опција која го трасира патот кон иднината. Следуваат нови победи за Македонија и добра иднина за сите.“ – соопшти ВМРО-ДПМНЕ.

ВМРО-ДПМНЕ: СДСМ ќе измисли и колонизација од марсовци за да предизвика паника

Ова обвинување „е уште една лага од фабриката на СДСМ, партија пред „само неколку години молчеше пред најголемиот мигрантски бран и ја претвори државата во транзитна зона без контрола“

Бугарскиот фашистички окупатор мртва ја масакрирал Невена Георгиева-Дуња (17) и главата на кол ѝ ја носел низ Велешко, за да го заплаши востанатиот македонски народ

Во декември 1942 година Невена Георгиева – Дуња, македонската револуционерка, организатор и учесник во оруженото востание во Македонија од 1941 година, херојски ја положува својата неодживеана младост во темелите на македонската држава, загинувајќи на 17 години во борбата со бугарските фашистички окупатори. Но не била прогласена како народен херој и со тоа ѝ била нанесена несфатлива историска неправда.

Дрска провокација на Сила: Протестот во Скопје ќе се одржи со, или без поддршка од институциите на РСМ! – Не го поканивме Мицкоски да присуствува!

Дали потпретседателот на Организацијата на ветерани на УЧК од меѓународниот протекторат Косово Газменд Сила смета дека Република Македонија не е суверена држава, па си дозволува и тој и неговите содејци од нивната организација да организираат протест во држава, која нема никаква врска со нивните мотиви, поради кои сакаат да протестираат?! Или тие си мислат дека веќе можат да доаѓаат во главниот град на Македонија да протестираат, „со или без поддршка и дозвола на нејзините институции“, бидејќи ја добиле „главната дозвола и согласност“ на еден опозициски политичар и лидер на партија – Али Ахмети на ДУИ, кој не е никаков фактор да одлучува за такво нешто?!

(Видео): Универзитетите со најдобри резултати ќе добијат најмногу пари од буџетот, рече Јаневска

Претходниот закон за високо образование беше многу лош, ова го кажувам каде дел од академската фела, а не како министер, вели Јаневска. Таа рече дека Законот за високо образование, Законот за квалитет во високо образование и науката и Законот за научно истражување во ист момент ќе одат во собранието бидејќи се поврзани.

Чучуљ: Ја поздравуваме секоја иницијатива за борба против корупцијата, ќе постапуваме секаде каде има основа

„Секогаш треба да се има предвид дека Државната комисија за спречување на корупцијата е превентивно тело и нашите капацитети се ограничени во врска со истрагата. Ние во нашиот дел секогаш постапуваме.“ – истакна новиот претседател на Антикорупциската комисија Адем Чучуљ во вечерашното гостување во централниот дневник на телевизија „Сител“ како одговор на повикот, што го упатија до него пред три дена „антикорупционерите“ од СДС „веднаш да се зафател со случајот“, за кој оваа партија тврди дека е „корупциски скандал тежок девет милиони евра, поврзан со власта“. Ставот на Чучуљ е и негово позиционирање во врска со најавите на опозициската СДС дека од утре ќе објавува „снимки за коруптивното работење на власта“.

Порака за солидарност и човечност – Градоначалникот Орце Ѓорѓиевски волонтира на терен со Црвениот крст

Градоначалникот на Скопје, Орце Ѓорѓиевски, на Светскиот ден на волонтерството, беше волонтер во Црвениот крст. Тој порача дека и оваа година, Град Скопје стои рамо до рамо со волонтерите како поддржувач, сојузник и активен учесник во создавањето на поодговорно, похумано и посолидарно општество.
Сите вести од Македонија

Најнови вести

To top