Вкупно девет години затвор за предизвикувањето голем пожар на дивата депонија Вардариште. По 3 години затвор добија Мејсут Мемиши, Алмир Асани и Флорин Арифи затоа што создале депонија спротивно од прописите со што предизвикале опасност по здравјето на луѓето, како и загадување на земјата и на воздухот.
Откупувале старо железо и други материјали на импровизирани пунктови, иако знаеле дека немаат дозвола согласно Законот за управување со отпад и немале основано правно лице за таква дејност.
„Без дозвола и документација за собирање, третман и складирање отпад создавале диви депонии спротивно на прописите на закон за зивотна средина, а со тоа предизвикале опасност по здравјето на луѓето и загадување на околината и поради тоа се осудуваат на казна затвор по 3 години“, им ја соопшти судијата пресудата на обвинетите“ рече судијката Бранка Наумовска.
Како олеснителна околност се смета тоа што се со семејства, тие се неосудувани и невработени. Тежината на кривичното дело и влијанието врз животната средина од кривичното Судот ги засмета како отежителна околност. Одбраната ќе ја обжали пресудата.
„И покрај тоа што е складиран отпад без одобрение, без фирма и безлиценца, тој отпад е претежно железо и други метали и на местотот каде е складиран отпадот воопшто не е палено“ рече Костадин Веселиновски, адвокат.
Сите тројца на минатото рочиште ја признаа вината за кривичното дело Загрозување на животната средина и природата со отпад. Тие тогаш изразија каење и истакнаа дека нема да го повторат делото.
Според обвинителството тие бидејќи во периодот од 2020-та, заклучно со втори септември годинава, противзаконски вршеле откуп на старо железо, стари акумулатори и други обоени метали, кои ги оставале во импровизирани објекти и пунктови, со што довеле до настанување на диви депонии. Дополнително тие не поседувале никакава лиценца за врешење на оваа дејност.