Македонија влегува во период на променливо и студено време. Според најновата прогноза на Управата за хидрометеоролошки работи (УХМР), утре нè очекуваат слаби локални врнежи од дожд и снег, додека на планините и повисоките места ќе провејува снег.
По краткотрајната стабилизација во понеделник и вторник, веќе во вторник навечер и во текот на денот во среда се очекува нов влажен бран со врнежи претежно од снег низ целата држава.
Температурите значително ќе опаднат, па така во следните три дена минималната ќе се спушти и до -10 степени, додека максималната ќе се движи во интервал од -1 до 6 степени.