Македонија

Поранешна македонска ракометарка е професорката фатена во криминал со издавање лични документи

Сѐ било однапред договорено – со утврдени цени, рокови и распределени улоги – со што бил создаден паралелен, неформален систем за побрз пристап до јавни услуги, на штета на принципот на еднаков третман на граѓаните

2 минути за читање

Поранешна легендарна ракометарка од Скопје, двајца полицајци и еден пожарникар се осомничени дека примале поткуп од граѓани, на кои им овозможувале побрзо издавање на лични документи, соопшти Министерството за внатрешни работи.

Според МВР, четворицата осомничени во периодот од февруари до април 2024 година воспоставиле организирана шема за противзаконито посредување при издавање лични карти, пасоши и возачки дозволи, за што добивале финансиски надомест. Одделот за внатрешна контрола при МВР поднел кривична пријава до Основното јавно обвинителство за гонење организиран криминал и корупција против М.С., полицаец (злоупотреба на службена положба и примање поткуп), П.П., полицаец во интервентна полиција (примање поткуп и противзаконито влијание), В.Р., наставник во средно училиште во Скопје (примање награда за противзаконито влијание) и А.С., пожарникар во Град Скопје (примање награда за противзаконито влијание).

Неофицијално, јавуваат дел од медиумите, осомничената В.Р. е поранешната ракометарка Валентина Радуловиќ, која е една од најдобрите во историјата на македонскиот ракомет со 220 настапи во жолто-црвениот дрес во кој постигна 813 голови.  Таа настапуваше за Кометал ЃП, а потоа и за австриски Хипо и данскиот тим Шлагелсе.

Како што информира МВР, таа заедно со пожарникарот наоѓале заинтересирани граѓани, од кои прибирале лични податоци и фотографии. Податоците биле проследувани до еден од полицајците, кој посредувал за забрзување на постапките, додека друг полицаец, како службено лице, ги извршувал административните дејствија.

Сѐ било однапред договорено – со утврдени цени, рокови и распределени улоги – со што бил создаден паралелен, неформален систем за побрз пристап до јавни услуги, на штета на принципот на еднаков третман на граѓаните. Од МВР наведуваат дека со ова осомничените се стекнувале со противправна имотна корист и најавуваат продолжување на постапката во координација со надлежното обвинителство.

Поврзани теми:

ракометарка|мвр|топ|актуелно|измама|лични карти|кривична пријава

Повеќе на оваа тема:

Најнови вести од: Македонија

Филипче се „надмина“: Сѐ што кажува премиерот е само изговор, треба да се направат уставните измени, a а тој да биде „персона нон грата“?!

Претседателот на СДСМ Венко Филипче денеска во изјава по повод 9 Мај – Денот на Европа упати „критики до власта“ дека ја „држи државата изолирана од Европа“ и побара да се направат уставни измени, „за да почнат преговорите за членство во Европската унија“.

Мицкоски: Не смееме да дозволиме да се заборави подвигот на загинатите борци! Нашите претци беа на вистинската страна на историјата, за разлика од окупаторите-„администратори“!

„Денес стоиме исправени пред историјата. Пред ден кој не е само датум во календарот, туку ден врежан во совеста на човештвото. Ден на победата над фашизмот. Ден кога светот покажа дека злото може да биде поразено, дека тиранијата не е вечна и дека слободата секогаш ја наоѓа својата сила во народите кои не се предаваат. Ние, Македонците, многу добро ја разбираме цената на слободата. Нашата историја не е историја на покорување, туку историја на отпор. Историја на луѓе кои, и кога биле малубројни, знаеле да бидат големи. Историја на генерации кои ја чувале идејата за своја држава, свој јазик, свој идентитет и свое достоинство.“ – порача и преку својот фејсбук-профил претседателот на Владата на Република Македонија Христијан Мицкоски по денешното одбележување на 9 мај, Денот на победата над фашизмот, кое се совпаѓа денес и со одбележувањето на Денот на Европа.

Николоски: Автопатот Охрид-Кичево ќе биде целосно готов до крајот на 2026 – Имавме попречување од финансиерот на објектот!

Автопатот Охрид-Кичево, кој е еден од најдолгите и најконтроверзни инфраструктурни проекти во државата, ќе биде целосно завршен до крајот на оваа или почетокот на следната година, најави вицепремиерот и министер за транспорт, Александар Николоски. Според него, проектот бил оставен во целосен застој, а Владата затекнала состојба без ниту еден метар асфалт и со сериозни проблеми во реализацијата и финансирањето.

Мицкоски: Европа е нашиот единствен пат, треба да разговараме за решенија, со кои ќе одиме напред, но никогаш нема да правам пазар со идентитетот!

Премиерот Христијан Мицкоски на свеченоста по повод 9 Мај – Денот на победата над фашизмот и Денот на Европа порача дека Европа е нашиот единствен пат и оти нашата татковина нема друга иднина и шанса за успех освен интеграцијата во Европската Унија. Мицкоски истакна дека во Европа не гледа само како на географија и оти Европа треба да биде вредност, како и дека мора да се разговара за трајни решенија по кои ќе можеме да одиме напред, а не за решенија со кои ќе оставиме големи товари на нашите потомци. Но, тој повтори дека „пазар со идентитетот, пазар со нашето достоинство во замена за какви било лични или политички придобивки, какви што имало во нашата понова историја, никогаш нема да прави“.

Костадиновски: Не може да пропадне приватна компанија, за да земе некој плата во јавно претпријатие!

Претседателот на Уставниот суд, Дарко Костадиновски синоќа во гостувањето кај ТВ21 за предметот поврзан со долговите на јавните претпријатија  предупреди дека можната  одлука би имала сериозни последици врз државниот систем и економијата. – Последиците од нашата евентуална одлука можат да бидат катастрофални, дури и од катаклизмични размери, бидејќи долговите на јавните претпријатија се околу една милијарда евра – истакна Костадиновски.

Владата на Македонија ќе го одбележи 9 Мај – Денот на победата над фашизмот и Денот на Европа

Под слоганот „Победа, принципи и вредност“, денеска во дворот на Владата ќе се одржи свечена церемонија по повод 9 Мај – Денот на победата над фашизмот и Денот на Европа.

Единаесет години од антитерористичката акција во „Диво насеље“ во Куманово – откриена спомен-плоча и активности под мотото „Хероите живеат вечно“

На интернет-страницата на „Википедија“ е напишано: Во населбата „Диво насеље“ во Куманово на 9 и 10 мај 2015 година беше изведена полициската акција за разбивање на оружената терористичка група. Акцијата започнала рано утрината во 04:30 часот во саботата на 9 мај и траела речиси непрекинато 28 часа, сѐ до 10:00 часот во неделата на 10 мај. Акцијата завршила со победа на македонските специјални сили и целосно неутрализирање и елиминирање на терористичката група, од која дел ѝ се предале на македонските власти во текот на вечерта во саботата на 9 мај. Според македонското Министерство за внатрешни работи, станувало збор за една од најопасните терористички групи, а групата била закана за целиот регион и била вклучена во бројни напади, при што нејзините членови биле барани со меѓународни потерници. Околу триесетина членови на терористичката група се предале безусловно на полицијата, кои главно биле македонски државјани и еден албански државјанин. Меѓу кои биле и тројца од водачите Мухамед Красниќи, Сами Укшини и Дем Шеху. Од страна на македонските безбедносни сили загинале осум припадници на специјалните единици на македонската полиција, а биле повредени дури 37 други полицајци во уличните борби низ тесниот и густо населен урбан дел на приградската населба во Куманово. На страната на терористите на самото место биле пронајдени 14 мртви тела во униформи. Јавното обвинителство на Република Македонија покренало постапка за приведените во акцијата во Куманото веднаш по самото нивно приведување, откако МВР поднело кривична пријава до Основното јавно обвинителство за гонење организиран криминал и корупција против определен број лица за „терористичко загрозување на уставниот поредок и безбедност“. Од 37 обвинети за тероризам и терористичка организација, 33 луѓе беа осудени за делата а за четири лица е донесена ослободителна пресуда. За седуммина беше изречена казна од доживотен затвор
Сите вести од Македонија

Најнови вести

To top