Обединетото Кралство и Франција планираат да воспостават „воени центри“ низ Украина по евентуален прекин на огнот, со цел брзо распоредување на сили и изградба на безбедни објекти за сместување оружје и воена опрема во поддршка на одбранбените потреби на земјата.
Украинскиот претседател Володимир Зеленски присуствуваше на прес-конференција по состанокот на „коалицијата на спремните“, заедно со францускиот претседател Емануел Макрон и британскиот премиер Кир Стармер. На почетокот тие истакнаа дека е потпишана декларација за намера за распоредување мултинационални сили во Украина во случај на мировен договор со Русија.
Британскиот премиер Кир Стармер изјави дека Велика Британија и Франција ќе воспостават воени бази во Украина доколку се постигне мировен договор. Тој нагласи дека е важно 2026 година да започне со заеднички настап на европските и американските сојузници покрај украинскиот претседател, со цел постигнување траен мир.
„Поблиску сме до таа цел од кога било досега, иако најтешките чекори сè уште се пред нас“, рече Стармер, додавајќи дека средбата била конструктивна и се темели на значаен напредок во преговорите во изминатите денови и недели.
Според него, целта на „коалицијата на спремните“ е да обезбеди траен мир и, во соработка со САД, да ја гарантира долгорочната безбедност на Украина.
Стармер истакна дека потпишаната декларација претставува клучен чекор, бидејќи отвора пат за правна рамка во која британските, француските и партнерските сили би можеле да дејствуваат на украинска територија.
„Ова е дел од нашата силна и долгорочна посветеност кон Украина“, рече Стармер, нагласувајќи дека распоредувањето ќе вклучува обезбедување на воздушниот простор и морињата на Украина, како и обнова и зајакнување на нејзините вооружени сили за во иднина.
Оваа иницијатива доаѓа во контекст на интензивни дипломатски напори за постигнување прекин на огнот и траен мировен договор во војната со Русија.
❗️Ukraine, France, and Britain have signed a declaration on the deployment of multinational forces in Ukraine after the end of the war.
In addition, Suspilne publishes a draft communique from the meeting, which states:
▪️The United States will help ensure a ceasefire in Ukraine… pic.twitter.com/tTFuat7N9t— 🪖MilitaryNewsUA🇺🇦 (@front_ukrainian) January 6, 2026