Македонија

Премиерот не е задоволен од дел од функционерите кои се оддалечуваат од принципите врз кои е формирана Владата

Забелешки за недоволна достапност на дел од министрите и директорите, како и за оддалечување од секојдневните проблеми и потреби на граѓаните

2 минути за читање

Во однос на најавената реконструкција на Владата, процесот се одвива преку разговори со коалициските партнери. Денес и утре се предвидени средби со политичките партии ЗНАМ и ВРЕДИ.

Со оглед на тоа што разговорите се во рана фаза и станува збор за чувствителен процес кој бара сериозен и одговорен пристап, во овој момент не би навлегувале во дополнителни детали. Штом бидат постигнати конкретни договори и дефинирани решенија, јавноста ќе биде навремено и целосно информирана, се вели во брифингот од ВМРО-ДПМНЕ.

Она што во моментов останува непроменета позиција и јасен принцип на претседателот на Владата, проф др Христијан Мицкоски, беа пораките кои тој јавно ги упати на одбележувањето на 36-годишнината од ВМРО-ДПМНЕ во Струмица.

Премиерот тогаш нагласи дека внимателно ги следи состојбите во институциите и дека не е задоволен од појавите кај дел од функционерите кои се оддалечуваат од принципите врз кои е формирана Владата.

Тој посочи дека до него пристигнуваат забелешки за недоволна достапност на дел од министрите и директорите, како и за оддалечување од секојдневните проблеми и потреби на граѓаните.

Мицкоски јасно порача дека Владата е избрана да му служи на народот, а не да ужива во привилегиите на власта, додавајќи дека секој функционер мора да биде достапен, посветен и постојано присутен меѓу граѓаните.

Во своето обраќање тој нагласи дека нема да толерира несовесност, неодговорност и отстапување од принципите врз кои се темели работата на Владата, без разлика на функцијата што некој ја извршува.

Премиерот исто така порача дека не прифаќа оправдувања за неисполнување на обврските и дека секој што не може да одговори на предизвиците треба чесно да го преиспита своето место во тимот.

„Сите отстапувања прецизно ги нотирам и ќе има промени. Тие промени треба да ги подобрат капацитетите и да го дадат максимумот од секој поединец. Сакам секој од вас да остане посветен на народот, достапен и чесен“, беше пораката на Мицкоски.

Основниот критериум во процесот на реконструкција останува ефикасноста, достапноста кон граѓаните, исполнувањето на програмските цели и целосната посветеност на работата во интерес на народот.

Поврзани теми:

топ|Мицкоски|реконструкција

Повеќе на оваа тема:

Најнови вести од: Македонија

„Нетпрес“: Туристот Заев е на Халикидики, во Грција, со својата луксузна јахта од 2024, вредна 800 илјади евра, додека Филипче жестоко се бори за „Бугари во устав“!

„Наши читатели, кои престојуваат туристички во местото Миражио Палјури, на Халкидики, во Грција, ни испратија во редакцијата фотографии, на кои се гледа поранешниот македонски премиер и поранешен лидер на СДСМ Зоран Заев на неговата луксузна јахта јахта.“ – објави информативната агенција „Нетпрес“.

Кекеновски: Македонија ќе продолжи да постои со својот јазик, историја и идентитет, и покрај националистичката агенда и политичките притисоци на Радев и Софија!

„Веќе со години официјална Софија ја злоупотребува својата позиција во Европската Унија, за да наметнува билатерални историски, јазични и идентитетски услови кои немаат никаква врска со европското право, ниту со Копенхагенските критериуми. Но Румен Радев и Софија нема да можат да ја прекројуваат македонската историја и да ја редефинираат македонската национална свест на македонскиот народ! Бугарија се обидува да ја европеизира сопствената национална агенда, а Радев повторно се обидува да ја продава старата политичка приказна како нова европска вистина. Неговата порака дека ‘Мицкоски има проблем со Европската Унија, а не со Бугарија’ е пример за политичка манипулација, во која причината се претставува како последица, а виновникот како судија.“ – нагласува универзитетскиот професор д-р Јове Кекеновски во својата колумна со наслов „Радев повторно ја вергла истата плоча – овој пат во името на Европа“, која ја објави „Плус инфо“.

Петрушевски: Филипче и Заев ветуваа живот за сите а донесоа уништување на се што е македонско

Желбата за власт толку го ослепила Филипче, што не гледа ништо пред себе и се спротивставува на државните интереси и согласен е на нови идентитетски отстапки и национални предавства

Важно е колку животи ќе се подобрат, а не колку страници ќе се напишат

Денес повеќе од кога било е важно Македонија да биде препознаена како држава која не нуди само поволна географска положба, туку и стабилност, предвидливост, квалификувана работна сила и јасна развојна визија, дециден е Мицкоски
Сите вести од Македонија

Најнови вести

To top