Во пресрет на утрешниот состанок на Европската политичка заедница во Копенхаген македонската претседателка Гордана Сиљановска Давкова денеска се сретнала и разговарала со францускиот претседател Макрон , со британскиот премиер со премиерот на Бугарија и повеќе други европски лидери.
Сиљановска Давкова по средбите што ги имаше на маргините на годишното заседание на Генералното собрание на Обединетите Нации во Њујорк и по средбите што ги имаше со македонската дијаспора во Детроит вчера се вратила во Скопје а денеска отпатувала за Копенхаген каде утре ќе ги презентира македонските позиции на состанокот на ЕПЗ.
,,🇲🇰 🇩🇰 Прием организиран од кралот на Данска, Фредерик Х и кралицата Мери Елизабет во Amalienborg Palace, во пресрет на седмиот состанок на Европската политичка заедница во Копенхаген.
Задоволство беше да бидам во друштво и да поразговарам со францускиот претседател Емануел Макрон, кралицата Мери Елизабет, бугарскиот премиер Росен Жељасков, британскиот премиер Кир Стармер, со претседателот на Литванија и со премиерите на Финска и на Малта.
Ветувачки почеток во пријателска атмосфера и плоден разговор пред утрешните дискусии на коишто ќе ги претставам македонските позиции, согласно со нашите национални интереси”, објави претседателката Гордана Сиљановска Давкова на социјалните мрежи.
