Македонија

Пријави од 107 жители од Криволак против Љ.Т. (67) од Неготино, оти „навредувал на национална основа и повикувал да им се ускрати правото за гласање“

Граѓанинот од Неготино доби кривична пријава, поради „јавно изнесување невистини и навреди на национална основа во врска со изборниот процес.“ – објави Министерството за внатрешни работи.

1 минута за читање

Љ.Т.(67) од Неготино доби кривична пријава од ОВР Неготино, поради „ширење расистички и ксенофобичен материјал по пат на компјутерски систем“. На 20 октомври тој објавил видео на профил на една општествена мрежа, во кое, коментирајќи го првиот круг од локалните избори, повикал да се ускрати правото на глас на жители на селото Криволак, Неготинско. Исто така, навредувал на национална основа – повторно во врска со изборите.

Полицијата карактеризира дека Љ.Т. „преку личен профил и профил, кој го управува на општествена мрежа, објавил видео на 20 октомври, во кое употребил погрден и навредлив израз за лица од село Криволак, повикувајќи на дискриминација и ускратување на изборното право на група граѓани по етничка основа“.

Следниот ден во ОВР Неготино биле примени три пријави, а потоа на 24 октомври биле примени нови писмени пријави од 107 жители на селото Криволак дека Љ.Т. од Неготино на социјална мрежа објавил видео „кое било јавно достапно, а во кое изнел невистини и навреди на национална основа во врска со изборниот процес“, објави Министерството за внатрешни работи.

Нетпрес

Поврзани теми:

Криволак|кривична пријава|локални избори 2025|неготино

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .
Сите вести од Македонија

Најнови вести

To top