Македонија

Рамиз Мерко жестоко „распука“ по ДУИ и Ахмети: Мене ме игнорирате, а за другите барате правда

Ексградоначалникот на Струга, Рамиз Мерко, јавно ја обвини политичката сцена за постоење на двојни стандарди во односот кон поранешни функционери, оценувајќи дека принципите за правична и еднаква постапка не се применуваат за сите подеднакво.

Ексградоначалникот на Струга, Рамиз Мерко, јавно ја обвини ДУИ за постоење на двојни стандарди во односот кон поранешни функционери, оценувајќи дека принципите за правична и еднаква постапка не се применуваат за сите подеднакво.

Во своја објава, Мерко посочи дека внимателно ги следел изјавите на ДУИ во кои се осудува политичкиот притисок врз поранешни функционери како Блерим Беџети и Фатмир Дехари, но постави прашање зошто истиот принцип не бил применет и во неговиот случај.

„Барањето за еднаква правда и немешање на политиката во институциите е исправно. Но прашањето е зошто тие принципи не важат за сите подеднакво“, напиша Мерко.

Тој истакна дека повеќе од две децении бил активен во политичкиот живот и имал значајна улога во изборните резултати на партијата, но кога се соочил со судски постапки, наместо поддршка, доживеал дистанцирање, па дури и негирање на неговата поврзаност со партиските структури.

Мерко тврди дека постапките против него биле поврзани со административни одлуки и институционални прашања, а не со докажана корупција или финансиски криминал. Според него, таквите случаи биле третирани како проблематични, иако се дел од секојдневното функционирање на институциите.

Тој направи споредба со други случаи, нагласувајќи дека кај одредени високи функционери реакциите биле „внимателни или заштитнички“, што, според него, јасно покажува селективен пристап.

„Ова не е прашање на поединци, туку на принципи. Не може да се бара правда само во одредени случаи, ниту поддршка само за некои“, нагласи Мерко.

На крајот од објавата, тој изрази поддршка за сите поранешни функционери кои се соочуваат со, како што вели, политички мотивирани процеси и потенцира дека правдата „не смее да биде селективна, туку еднаква за сите“.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top