Ректорката на УКИМ, проф. д-р Биљана Ангелова, на Свеченото отворање на Меѓународниот семинар за македонски јазик, литература и култура при УКИМ, по предлог на Советот на Меѓународниот семинар, ги врачи признанијата „Синергии“ и наградата за наука „Воздејства“.
На претседателката Гордана Сиљановска-Давкова, ректорката Ангелова и ја додели благодарницата Синергии“, во знак на признание за посебен придонес во поддршка на афирмација на македонистиката.
На Гордана Димитриеска-Кочоска, министерка за финансии, Ректорката Ангелова и го додели признанието „Синергии“, во знак на признание за посебен придонес во поддршка на афирмација на македонистиката.
На проф. д-р Маќеј Кавка, Ректорката Ангелова му ја додели највисоката награда за македонистика, за исклучителни, долготрајни и повеќедецениски достигнувања и придонес во научноистражувачката и културната афирмација од областа на македонистиката.
