Македонија

Рубин Земон се извини за изјавата за Гоце Делчев: „Немав намера да ја намалувам неговата големина“

По силните критики и обвинувања за навреда на македонскиот национален идентитет, Земон преку социјалните мрежи објави објаснување и извинување.

Поранешниот пратеник и актуелен член на Централниот одбор на СДСМ, Рубин Земон, се извини по бурните реакции предизвикани од неговата изјава во подкастот „Коридор 8“, во која го нарече Гоце Делчев „само мит кој ништо не направил за Македонија“.

По силните критики и обвинувања за навреда на македонскиот национален идентитет, Земон преку социјалните мрежи објави објаснување и извинување.

„Бидејќи гледам дека работата денес отиде во други димензии, сакам да објаснам дека во никој случај не сум помислил, ниту нешто сум направил за да ја намалувам вредноста, значењето и големината на великанот Гоце Делчев за македонската историја и неговата улога. Она за што говорев е повеќе за тоа што во нашата колективна меморија се запоставени Чуповски и Мисирков и дека и тие исто така треба да се на пиедесталот, особено за развојот на македонскиот идентитет“, напиша Земон.

Тој додаде дека неговата поента била дека треба повеќе да се вреднуваат и други значајни личности од македонската историја, а не да се намалува значењето на Гоце Делчев.

„Во никој случај не сум имал намера да се каже нешто против Гоце Делчев, којшто е на пиедесталот на македонската историја. Се извинувам на сите доколку нешто поинаку било разбрано или протолкувано“, истакна Земон.

Тој најави и дека „тие што ширеа говор на омраза ќе се соочат со законот“.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top