Македонија

СДС најавува „бомби за ВМРО ДПМНЕ“, но што кога ним ќе им пукнат во дворот „обвинителските бомби“ за пљачкањето на државниот буџет?!

Крадците од СДСМ почнуваат да викаат „Секој што крадел ќе одговара“, ем и се закануваат со „бомби за разоткривање на корупциска шема на ВМРО ДПМНЕ“, но што ќе биде кога ќе им се исполни желбата да одговара секој што крадел, па да бидат токму тие што ќе одговараат?! Што ли ќе им се случи кога ќе почнаат да „експлодираат“ набргу „обвинителски бомби“ за „шемите“ на Заев, Филипче и другите од „бомбашката компанија со лепливи прсти“ од Бихаќка?!

2 минути за читање

„Превенцијата не успеа, корупцијата ескалираше. Секој што крадел ќе одговара. Ние ги подготвивме новите бомби, 2.0, утре ќе објавиме нова, за нов скандал и корупциска шема на владејачката гарнитура“  – кажа претседателот на СДСМ Венко Филипче. Ова го објави „Плусинфо“ во својата статија со наслов „СДСМ пак си игра со бомби, најавува проекти бомби 2.0“

Натаму порталот пишува: Претседателот на опозициската СДСМ Венко Филипче најави дека „партијата пак ќе пушта бомби“, а наместо нелегално прислушкувани разговори, сега „бомбите ќе биле кривични пријави против актуелни функционери за корупција“, што ќе ги изготвувале млади партиски активисти, кои Филипче ги нарече „нова сила“. Денеска на прес-конференција тој упати повик до главната европска обвинителка, Лаура Ковеши да ја посети Македонија, за да ја запознат, како што рече, „со  малверзациите што ВМРО-ДПМНЕ ги прави со европските фондови“. Филипче најави и дека „партијата ќе покани и италијански антикорупционери кои имаат искуство во сузбивање на мафии, па штом ја сузбиле Коза Нотра, ќе ја победеле и актуелната „мафија на ВМРО-ДПМНЕ“.

„СДСМ ја повикува европската обвинителка Лаура Ковеши да се запознае со малверзациите со европските фондови, меѓу кои и ИПАРД програмата, во која се загрозени 130 милиони евра. Власта единствено нешто што прави со скандалот со ИПАРД е да ја дефокусира јавноста. Наместо одговорност после апсењето на директорот во Агенцијата за финансиска поддршка, член на ВМРО-ДПМНЕ, гледаме само спинови и обвинувања кон опозицијата. Не е ова темен вилает на ВМРО-ДПМНЕ да си играат со судбината на Македонија и со европската иднина на граѓаните.“ – тврдеше Филипче.

Втората иницијатива на Филипче е антикорупциски тим, кој, како што рече, „ќе биде составен од експерти, советници од областа на правото и финансиите, но пред сè, млади активисти и истражувачи на СДСМ“, кој е во рамките на партиската програма „Нова сила“. Според Филипче, „овој тим ќе истражува скандали, ќе ги разоткрива сите корупциски шеми и ќе поднесува соодветни пријави до национални и меѓународни институции“. – објави „Плусинфо“.


Поврзани теми:

топ|актуелно|избор|ВМРО-ДПМНЕ|СДС

Повеќе на оваа тема:

Најнови вести од: Македонија

Судскиот совет му го одзеде имунитетот на судијата Ѓоко Ристов, се бара и куќен притвор

Единицата за корупција во Одделот за сузбивање на организиран и сериозен криминал до ОЈО ГОКК поднесе кривична пријава против судијата Ѓоко Ристов од Неготино, со живеалиште во Скопје, поради постоење на основано сомнение за сторени кривични дела „противправно стекнување и прикривање имот“ по чл.359-а ст.3 в.в. ст.1 и „перење пари и други приноси од казниво дело“ по чл.273 ст.1 од КЗ.

Тестирање на камерите на „Безбеден град“ уште некој ден – наскоро ќе фрчат кази за прершителите

Од сега до 31 јануари ќе се врши тестирање, калибрација и верификација на уредите поставени за надзор на сообраќајот во рамки на проектот „Безбеден град. Од МВР информираат дека тестирањата ќе се реализираат секој ден, од 08:00 до 20:00 часот, при што за време на овие активности нема да биде дозволено поминување на возила додека не заврши постапката.

МВР со детали: Како е откриено местото каде судијата Ристов криел 350.000 евра?!

На 18.01.2026, врз основа на наредба издадена од судија на претходна постапка од Основен кривичен суд Скопје, во координација со предметен јавен обвинител извршен е претрес во домот на родителите на судијата Ѓоко Ристов во Неготино. На првиот кат, во кујнската просторија, биле забележани сомнителни околности за изведување градежни активности (корекција на ѕидните плочки), по што при отстранување на ѕидна керамичка плочка, забележана е дупка, во која се наоѓале алуминиумски ролни во форма на цилиндер, спакувани во поединечни 13 пакувања, во кои пронајдени се вкупно 610 банкноти од по 500 евра и 225 банкноти од по 200 евра, или вкупно 350.000 евра.

Вреди: Судијата Ристов беше дел и од судските одлуки, што го отворија патот за слобода за Сашо Мијалков

Веста дека кај судијата Ѓоко Ристов се најдени 350 илјади евра, пари осомничени за корупција, не е само индивидуален скандал. Оваа вест ја уништува дури и последната доверба што граѓаните ја имаа во правосудниот систем, се вели во соопштението на „Вреди“ од денешната прес-конференцијата на нивниот портпарол Дритон Сулејмани.
Сите вести од Македонија

Најнови вести

To top