Македонија

Селими: Политичката доктрина „Македонија на Македонците“ е можна опасност за нови тензии во иднина!

„Непишаната политичка и институционална доктрина ‘Македонија на Македонците’, според која државата е исклучива сопственост на еден етникум, беше извор на минатите тензии и останува можна опасност за идни тензии. Охридскиот рамковен договор го запре судирот од 2001 година и ја спаси Македонија да не падне во бездната, овозможувајќи ѝ да остане унитарна држава, а Албанците добија механизми што требаше да им гарантираат вистинско учество во државата: фер и соодветна застапеност.“ – нагласува политичкиот аналитичар Сефер Селими од Скопје во својата колумна со наслов „Македонија на Македонците“: од мир до враќање на судирот“, која ја објави информативната агенција Илирија-ИНА.

2 минути за читање

Селими, кој е основач и извршен директор на Граѓанската организација „Демократска лабораторија“, пишува: Пред дваесет и пет години, Македонија беше на работ на бездната. Судирот од 2001 година не се појави преку ноќ, ниту беше резултат на изолиран инцидент. Тоа беше експлозија на проблем, што се натрупуваше со години: држава што формално им припаѓаше на сите, но во пракса не ги третираше сите како рамноправни.

Во темелот на овој проблем лежеше непишана политичка и институционална доктрина: „Македонија на Македонците“. Овој пристап, кој ја замислуваше државата како исклучива сопственост на еден етникум, создаде внатрешна хиерархија на граѓанство. Ги исклучуваше Албанците од целосната институционална застапеност, но и од основната идеја за еднаквост во државата. Оваа доктрина беше извор на минатите тензии и останува можна опасност за идни тензии.

Албанците беа недоволно застапени во државните институции, албанскиот јазик беше забранет за службена употреба, децентрализацијата беше непостоен концепт, а донесувањето државни одлуки остана монопол на македонското етничко мнозинство. Проблемот не беше само тоа што Албанците бараа повеќе права, туку и тоа што тогашниот модел на државата не успеа да ги приспособи како свои рамноправен дел. Охридскиот рамковен договор го запре судирот од 2001 година, затоа што ја промени токму оваа логика.

Тоа беше историски компромис меѓу две алтернативи: поделба на територијата и поделба на власта. Македонија остана унитарна држава, додека Албанците добија механизми, што требаше да им гарантираат вистинско учество во државата: фер и соодветна застапеност, употреба на албанскиот јазик, децентрализација, двојно мнозинство (Бадинтер) и политички модел, во кој одлуките, што влијаат врз меѓуетничките односи, не можеа да се наметнат преку сила на бројки. Ова беше формулата за мир.

Охридскиот договор не ги реши сите проблеми. Неговото спроведување беше бавно, нецелосно и политизирано. Но, 25 години создаде нешто многу поважно: убедување дека проблемите меѓу Албанците и Македонците можат да се решат во рамките на институциите, а не надвор од нив. Ова беше можеби најголем успех на Охридскиот договор – заклучува Сефер Селими во својата колумна.

Поврзани теми:

Сефер Селими колумна|доктрината Македонија на Македонците опасност за идни тензии|судир од 2001 година|топ|Македонија|Албанци|Охридски договор

Повеќе на оваа тема:

Најнови вести од: Македонија

Мицкоски побара од Бугарија, како НАТО-партнер, да ѝ го испорача осудениот Михаилов, баран со потерница, кој се појавува на протести во Софија!

„Ние имаме потерница за тоа лице и очекувам нашите партнери да постапат соодветно на партнерството.“ – рече денеска премиерот Христијан Мицкоски, одговарајќи на новинарско прашање за случајот со Симеон Михаилов. Михаилов е осуден на 12 години затвор во Македонија, но избега пред да ја отслужи казната. Тој сега се појавува на бугарски телевизии и на протести во Софија, од каде што ја брани неговата ќерка Ива Михаилова, на која ѝ се суди во Кочани за сообраќајна несреќа со еден загинат.

Мицкоски: Ќе продолжиме да ги решаваме проблемите на граѓаните, затоа ја добивме довербата од нив!

Претседателот на Владата на Република Македонија Христијан Мицкоски во одговор на новинарско прашање денеска при претставување на „Градскиот воз“ истакна дека и покрај сите предизвици во Европа како наш најголем трговски партнер, сепак трендот на раст на бруто-домашниот производ се очекува да продолжи и оваа година и  да изнесува некаде меѓу 3,5 и 4% проценти.

„Н.М.“: Македонија има причина да биде во Европа, со свој идентитет и јасно дефинирани македонски интереси, но не безусловно!

Исландскиот референдум не треба да биде лекција против Европската Унија, туку лекција за самодоверба во преговорите. Исланѓаните не рекоа: „ЕУ не ни треба“. Тие рекоа: „Ние ќе одлучиме кога, како и под кои услови ќе разговараме за нашата иднина“. Тоа е демократска зрелост. И токму таква зрелост ѝ треба на Македонија. Не да му каже „не“ на Брисел. Но ниту автоматски да кажува „да“ на секое барање. Туку да научи да кажува: „Ова е нашиот интерес. Ова можеме да го прифатиме. За ова можеме да преговараме. А ова не можеме да го прифатиме“. И тоа да го каже аргументирано, мирно и европски. Ова се нагласува во анализата со наслов „Македонија има причина да биде во Европа, но како своја и со својот изворен идентитет и карактер“, која е објавенма денес „Нова Македонија“.

Мицкоски: Македонија е отворена за нови инвестиции и партнерства, кои ќе ја засилат економската соработка со Унгарија

Премиерот на Република Македонија Христијан Мицкоски денеска од Будимпешта порача дека Македонија е отворена за нови инвестиции и партнерства, нагласувајќи дека економската соработка со Унгарија има значителен потенцијал за раст.
Сите вести од Македонија

Најнови вести

To top