Синот на професорката Каролина Ристова Астеруд ќе патува со воз околу 12 часа од едниот до другиот крај на Велика Британија за да го следи мечот меѓу Велс и Македонија во квалификациите за Светското првенство во фудбал во САД, Канада и Мексико идната година.
Ристова открива дека македонското национално знаме пред да биде истакнато од нејзиниот син стадионот во Кардиф мора да биде испрано и испеглано.
,,Подготовки на Мартин за чу-чу патување, ееее, зајдување од Абердин до Кардиф, за утревечер да го храбри МК-тимот на квалификационата фудбалска утакмица против Велс.
🏴 v. 🇲🇰
Прва работа, знамето мора да биде чисто и испеглано”, објави Ристова Астеруд.
Патот од Абердин до Кардиф е долг речиси 900 километри а се патува најмалку половина деноноќие.
Утре на стадионот се очекуваат пколу 1000 македонски фанови да ги бодрат Елмас и другарите.
Македонија утре во Кардиф има шанси со нерешен резултат да биде втора во својата група во квалификациите со што значително и се олеснуваат противниците во бараж мечевите и се зголемуваат шансите за пласман на Светското првенство идната година.