Претседателот на Уставниот суд д-р Костадиновски е автор на 12 научни студии и трудови од областа на уставното право и уставната теорија, како и од меѓународните односи. Тој бил учесник на многубројни меѓународни и регионални научни и други конференции и форуми од областа на меѓународното право особено во рамките на Обединетите нации и Советот на Европа, како и на дипломатска академија и обука во рамките на „Светско учење“ („World learning”), во САД. Од 2015 до јануари 2018 година Костадиновски ја извршувал должноста Пратеник на Република Македонија во Алијансата на цивилизациите на Обединетите нации. Да се навредува уставен експерт и интелектуалец со вакво импресивно научно досие дека има „умствена попреченост“, макар и „умерена“, го наметнува противпрашањето: какви се, пак, моралните и други карактеристики на самиот Кренар Лога, штом си дозволува вакви јавни квалификации?!
Инаку, ДУИ побара „итна оставка“ од Костадиновски, како и „од секој судија, кој ги поддржува ваквите ставови“. „Во спротивно, тој ќе сноси целосна одговорност за секоја последица што може да се појави на планот на меѓуетничките односи.“ – заканувачки наведе ДУИ во своето соопштение вчера. Партијата на Али Ахмети реагираше и на одлуката на Уставниот суд да ги отфрли иницијативите во рамки на системот Безбеден град граѓаните да се известуваат и на албански јазик.